قائمة الزوجيه عرف باطل من اسباب الطلاق -للعروس 2024.

قريت الموضوع ده وهو منقول وحبيت اشارككم فيه لانه مهم
فى مسئلة الجواز والنقاش عن المهر ومعلومات عن المهر والقايمه والكلام ال يخص الف به زواج
مش عارف ليه البنات مش بتهتم بالحجات دى اصلا ومتعرفش اصلا عن الموضوع ده حاجه كل مافى الامر ان الاهل هما ال يتفقوا وهما ال يتكلموا
وهى مستقبلها وهو مهرها

الاهل هما ال بيهتموا

وبيجوزوها بطريقه مش شرعيه

والبنت فى مجتمعنا ملهاش اى دور فى مسئلة النقاش على مهرها

مع ان مهرها ده من حقها هى

الاهل بيخلوا البنت عديمة الحريه فى اتخاذ قراراتها وبيخلواها ملهاش زمه ماليه خاصه بيها تقدر تتحكم فيها

يعنى مثلا المهر المفروض ده بتاعها يعنى هيا تاخده فلوس عند الجواز سواء كان شلن ولا ربع جنيه ولا مليون جنيه المهم انها تاخد فلوسها كامله

وهيا حره وليها كامل حرية التصرف

تبعزقهم تصرفهم تديهم لجوزها تصرفها على نفسها هيا مسئوله عن تصرفاتها بفلوسها لو بعزقتهم فى الفاضى يبقى هيا ال جابت الندم لنفسها حتى لو بعزقتهم على جوزها

هيا رشيده وعندها حرية اختيار

تديهم لجوزها او تصرفهم بعيد عن جوزها المفروض الاهل ملهمش فيه الكلام ده

لكن لان الست ملهاش زمه ماليه والاهل بيربوها على كدا

انها عديمة الزمه الماليه حتى بعد الجواز بيقولوا ان فلوس وفلوس جوزها واحد وده كلام غلط

بالتالى عشان هيا معندهاش زمه ماليه فخايفين عليها ان مهرها جوزها يضحك عليها فيه

فعملوا حاجه اسمها قايمه وعرف باطل اصلا عشان يربطوا بيها العريس

وعشان فلوسها متضعش منها ولو ضاعت تبقى هيا ضامناهم تانى يعنى هيا تدى الدهب لجوزها بمزاجها وبعد لما تصرفهم ويحصل طلاق مثلا ترجع تطالبه بيهم

يبقى الست اصلا فى مجتمع زباله زى ده مظلومه

والاهل بيعملوا حكاية القايمه قال ايه عشان يامنوا بنتهم وتربط العريس ومتطلقش وبقصر فهم الناس للمسئله دى بيحصل الطلاق ومع وجود القايمه

غير كدا الراجل نفسه مش بيقدر اصلا الست

وبالعكس معدلات الطلاق بتزيد بسببها

لان الراجل حاسس انه مكتف بسببها فكل يوم يعمل مشاكل مع مراته

ويعكنن عليها لانها رابطاه

او بمعنى تانى حاسس انه مربوط ومخنوق

فلما بتجيله اقرب فرصه ويملك الماده بيرميها ويتجوز عليها ويقولها هيا ال قايمه ال فاكره انك مهددانى بيها خديها

انا معايا فلوس

وهاجيب واحده غيرك

فبسبب كده المشاكل متذايده فى البيوت وللاسف محدش عارف السبب

كل لما اتكلم فى موضوع القايمه ومحدش يفهمنى بيفكرنى الموضوع ده باحد الانبياء لما كان يقول لقومه اليس منكم رجل رشيد
طبعا مش بشبه نفسى بالانبياء لكن موقف بفتكره

فى الامارات على فكره جوازهم شرعى

مفيش لا قايمه ولا مؤخر

نهائى

كل مافى الامر ان الاتفاق بيكون على مبلغ هو ده المهر ومن نفس المبلغ بيتجاب منه دهب

قائمة الزوجيه عرف باطل يعطل الشرع

عيوب القائمه والتى هى احد اسباب العنوسه
وعيوب المؤخر وهو احد اسباب الطلاق

بدايتا للزوجه حق وهو صداقها او مهرها نفس المسمى واحد
الصحيح ان تاخذه كاملا او تاخذ جزءا منه وتبقى جزءا وهو مايسمى بالمؤخر وان كان المؤخر لا خطا فيه الا انه فيه مشكله ساذكرها
من الناحيه الشرعيه كتابة قائمه الزواج ان كتبها الرجل على نفسه فهى تعتبر من ضمن المهر ولكن فى العرف لايعتبرونها مهرا وانما كشئ يلوى الذراع بحجة المحافظه على الزوجه
الايه تذكر امساك بمعروف او تسريح باحسان
ولكن بوجود مثل هذه القائمه سوف تتعطل هذه الايه لان بوجود شئ يلوى ذراع الزوج لم يكون هناك امساك بمعروف وانما امساك بتطفيش وتزهيق ولم يكون هناك ايضا تسريح باحسان وانما تسريح باكراه وضغط ومشاكل حتى تتنازل عن هذه القايمه والحقوق الاخرى

اذا من يريد دليل قرأنى على ان القايمه تعارض القرأن فهذا يكفى بل وهناك اكثر من ذلك وهى ان القايمه تعتبر دين على الرجل ودين مجهول وغير معلوم وقت استحقاقه اى فيه غرر
وهى ايضا سبب من اسباب العنوسه لان الكثير يتردد من التقدم للزواج خشية المبالغات الكثيره فى الطلبات ويحدث خلافات عند كتابة هذه القايمه

اما الشق الثانى وهو الخاص بالمؤخر فهذا اكبر مصيبه
من شروط الزواج ان يكون للمرأه مهرا او صداقا نفس المسميان واحد
ولكن كتابة المؤخر بالعرف الحالى يجعل جزءا كبيرا من المهر لم يدفع وبالتالى هو دين على الرجل يجب دفعه قبل موته او يقسم من تركته بعد موته والا اصبح عليه دينا
المشكله الاكبر ان العرف الحالى المؤخر يعتبرونه الناس شئ صورى مكتوب فقط على الورق من اجل ربط الرجل حتى لايتزوج باخرى او يطلق الزوجه ويكتبونه بمبالغ كبيره وتناسوا ان لابد من ان يدفعه الرجل قبل موته فان كان مبلغا كبيرا وهو لايستطيع فاصبح دينا ثقيلا فتجد ان الزواج يتحول لنكد ومشاكل لايعلمون سببها وذلك بسبب شئ خفى لايعلمونه وهو هذا الدين لان الدين هم بالليل وذل بالنهار

بالتالى يعيشون فى هموم ونكد مستمرين دون ان يدروا مصدر ذلك النكد
وايضا بما ان المؤخر صورى على الورق ايضا فالرجل مدام متمسك بزوجته ولايريد فراقها فيتناسى ان عليه هذه الدين اصلا والذى يعتبر ركن من اركان عقد الزواج ويستمتع بزوجته دون ان يدفع حقها فبالتالى تتدخل الامور القدريه كى يتذكر هذا الدين كالمشاكل التى توجب الفراق او الزعل او الخصام واحيانا التطليق حتى يتذكر ان عليه هذا الدين وينتبه له
بالتالى اصبحت العلاقات الزوجيه خاليه من الموده والرحمه اصبحت علاقة ايهما يسيطر ويعكنن على الاخر وايهما يسيطر على الاخر بورقه عند الخصام تسجنه فاصبحت العلاقه علاقه لوى ذراع (هاتمكر عليا هاروح بيت ابويا والورق ال ماضيه هايربيك ) هكذا اصبحت العلاقه الاسريه اعراف خالفت القرأن والسنه
فان كان المؤخر لاينكره الشرع الا ان
الافضل والاحوط ان ينتهى هذا العرف ويستبدل بمبدا الدفع كاش عند استلام البضاعه والشكك ممنوع حتى لايكتب الرجل على نفسه دينا لايستطيع سداده فينتهى مايسمى المؤخر ويتم الدفع مقدما كاملا (الشكك فى العلاقه الزوجيه ممنوع)ههه وكل واحد يدفع على قدر استطاعته ويكون فيه تساهل حتى لايتم فتح ابواب الحرام
كتبه

امضى وهى دين اصلا

ودين مش هانوى ادفعه يبقى ازاى الجواز هايكون شرعى

ازاى الجواز يكون شرعى واهم بند فيه هو المهر مش هايدفع او مش هانوى ادفعه امضى بس لمجرد انى اتجوز وخلاص وبعد كده المشاكل والنكد فى البيوت جاى منين
وان يتفرقا يغنى الله كلا من سعته

المشكله ان فكرة القايمه نفسها فكره باطله مش مقتنع بيها انا لو مقتنع بيها هامضى ومش هاتفرق معايا اى مبلغ لان ال مش عاوز يدفع هايقرفها لغاية لما هى تتنازل

انا مش بنكر المهر يكون كاش او تقسيط

ده كويس لانه معلوم

ومحدد

لكن حكاية دهب وقايمه دى عايمه

على سبيل المثال

بيشتروا دهب

وبعد لما يشتروه يتكتب فى القايمه

يبقى مكتوب دين على الراجل فى القايمه

وهى لابساه مستنفعه بيه

يبقى لازم تحصل مشاكل من هنا لان كله متركب غلط

لازم ياخد الدهب منها

دى نقطه فاسده فى القايمه

النقطه التانيه

هيا القايمه تعتبر دين على الراجل انه كاتب كل حاجه فى البيت

يبقى مدام دين وهما هايطالبوه بيها فى اى وقت

يبقى هايقرفها فى حياتها ان كسرت كوبايه يتلكك

ان كسرت حاجه فى البيت

يعكنن عليها

ماهو المشاكل بتيجى من هنا ومحدش عارف وفاهم

وبعد كده نقطه تانى ازاى حاجه يكتبها دين على نفسه وهى بتستعملها معاه

وبتستنفع بيها كمان

الفكره ان القايمه دى شغل عك فى عك

انا ال اعرفه ان الست ليها مهر

كتير قليل

هو ده وبس ال ليها

لكن الشقه جاب حصيره ولا جاب سجاده دى كل واحد وامكانياته يعنى عفشة بنت النبى كانت حصيره يعنى الراجل مكلف بكل حاجه يجيبها للشقه والست متشاركش بفتله حتى لكن فى العرف الباطل عاملين نظام المشاركه

دى حاجه الحاجه التانيه لو يلغوا مثلا موضوع القايمه ويكون الدفع كاش عند الزواج يبقى افضل
زى ماهو ماشى فى الامارات
يعنى مثلا انت هات كل حاجه وادفع مهر مثلا عشره او عشرين او تلاتين او اربعين او خمسين او حتى مليون نقدا يدا بيد عند التعاقد عد عقد الزواج

وخلاص مفيش حاجه تانى غير كده ولا دهب ولا قايمه ولا كلام فاضى

والفلوس ال هايدفعها دى ياما تاخدها هى وهى حره فيها تتصرف فيها بمعرفتها او تديها لابوها دى حاجه براحتها

او لو مش معاه فلوس يبقى يكتب ايصالات على نفسه بمبلغ يتفقوا عليه ويتقسط سواء كان المبلغ كبير او صغير زى قصة سيدنا موسى لما استؤجر ثمانى حجج وخلاص ولا يدفع دهب تانى ولا قايمه ولا حاجه خالص بس بكدا يبقى عارف راسه من رجليه وعارف هو عليه كام بالظبط مش تبقى الامور عايمه

نقطه تانيه اكتشفتها فى القايمه انها باطله اولا هى دين على الراجل طيب بافتراض هو عاوز يدفع الدين ده يعمل ايه ماهو مش هاينفع يدفعه لانهم شارطينها انها تكون عند الطلاق طيب يبقى يطلق مراته مثلا علشان يدفعه يبقى فكرة المهر هنا فين فى العك ده

دايما نسمع الراجل يقول لمراته انا اتخنقت منك انا قرفت منك او يقولها انتى غم او هم الخ

هل الكلام ده ليه علاقه بالموضوع ال اتكلمنا فيه عن علاقة بالقايمه والمؤخر
وان الراجل بيشعر ان زوجته فيه حاجه من ناحيتها ماسكه فى رقبته زى الطوق خانقاه فبيطلع الكلام والعبارات ال بيقولها دى

حتى ولو كانت هى زوجه مثاليه وقايده صوابعها شمع زى مابنسمع ونشوف هل الامور والمشاكل بتحصل بسبب كدا بسب حاجه محدش واخد باله منها

ونقطه تانى

لما يكون المؤخر مشروط بالطلاق يبقى خلاص الزوج مش ناوى يدفع الدين ال عليه اصلا لانه عارف ان زوجته هاتستمر معاه طول العمر ففى الحاله دى
يبقى هو بيستمتع بحاجه هو مدفعش تمنها اصلا او مش ناوى يدفع لانه مش ناوى يطلق فده اسمه تحايل على الشرع يعنى هو مضى فى بداية الزواج على العقد علشان يمشى حاله ويخلص ويتجوز
مش جايز دى برضوا سبب خفى من اسباب المشاكل والبغض للزوجه والمشاكل المستمره حتى ولو كانت زوجه مثاليه
لان بالطريقه دى يعتبر بياكل حقها وبيتحايل على الشرع فبيكون العقاب من نفس جنس العمل
والمشكله ان محدش عارف السبب فين وافكر ان ال عرف مدام بالتراضى يبقى حاجه صح
ال يضحك ان كل ماكلم واحده فى القايمه تقولى دى امان للعروسه
امان شويه روبابيكيا بعد الطلاق اسمهم امان

طيب وفين هو الامان والطلاق منتشر على الرغم من وجود القايمه

فوقوا من الكلام ال بترددوه ده

بلا امان

noureldens noureldens فتكات نشيطة Fatakat 1161928 اسيوط – مصر

سبحان الله و بحمده