انا شايفه الموضوع قديم قلت اصحيه شويه واقولكم عن فؤائد الكحل الحراق
* يعالج حساسية العين
*بيطول الروموش ويخليكى احلى مما تحطى مسكره
* ثابت ومش بيسيح ممكن يفضل فى عنيكى يومين حتى لوغسلتى وشك كتير
*شكله تحفه ويخلى عنيكى منوره ووسعه
* باذن الله يشفى امراض العيون كلها مثل الارهاق الاحمرار والبكتريا والفتريات والفيروسات والحساسيه
كل ذالك عن تجربه شخصيه لانى مش بحط فى عينى الا الكحل الحراق ده ومن زمان من اول ماكنت فى اللفه وكانت امى ربنا يديها الصحه كانت بتكحلنى يوميا هى اللى قالتلى لما كبرت انها اول ماتصحى من النوم تغسل وشها وعنيها واحنا كمان ((انا واخواتى)) وبعدين تمسكنا كلنا صبيان وبنات تكحلنا سواء برضانا اوغصب عننا بعدين تتكحل هى كمان
كمان اللى مايسمعش الكلام او يعمل حاجه غلط او يتشقا تمسكو وتكحلو لحد ما كبرنا وتربينا كلنا على الموضوع ده وبعدين انا اللى بقيت اكحل نفسى ولما اتجوزت وخلفت بقيت اكحل اولادى تمام زى ماكانت ماما بتعمل والحمد لله عمرى ماروحت انا او اولادى لدكتور عيون حتى جوزى ماكانش مقتنع لحد ما عنيه جالها حساسيه وراح لاطباء عيون كتير واستعمل قطرات كتير ولم تاتى بنتيجه لحد مافى يوم كان تعبان قوى قمت مسكاه غصب عنه وقلتلو وحياتى وعشان خطرى وكحلته فى كل عين مرتين وعنيه ريحتو وبعد كده هو اللى بقى يجيلى ويقولى كحلينى من الكحل الحراق
* ياريت اكون قدرت احيي الموضوع شويه
ياريت اللى بتحب الكحل وخصوصا الحراق تقولى عن تجربتها الفعليه فى هذا الموضوع
واسفه لوكنت طولت عليكم ياحلوين
مع تحيات المدلعه
يلا ياحلوين اللى عندها تجارب شخصيه فى الموضوع ده تورينا شطرتها
* وزى ما اتعودنا من الفتوكات الحلوين عايزه تقييم جامد علشان الموضوع يثبت
نانا المدلعه نانا المدلعه فتكات متميزة Fatakat 652734 ارض الله – مصر