السلام عليكم ورحمة الله وبركاته
ازيكم يافتوكات
النهارده كاتبالكم موضوع يارب يعجبكم
فن التعامل مع البشر
الحمدلله رغم ان سنى صغير لكن مريت بتجارب انسانيه كتيييييييييير جدا فى حياتى ممكن تكون صعبه لكن صنعت منى الحمدلله انسانه فهمت الدنيا واعرف الحمدلله اتعامل مع كل شخص على حسب تفكيره
مااقصدش النفاق طبعا لكن كل واحد مننا ليه تفكيره الخاص بيه فبعرف ادخل للناس منين والحمدلله بشهاده الجميع انى محبوبه وحايزه على احترام الناس
والسر بسيط خالص حالص شوية حاجات هتعمليهم هيخلو كل الناس تحلف بحياتك
حتى لو انت مفكيش الصفات دى اتعلميها وماتقوليش انا كده هبقى مصطنعه لا بالعكس انت كده ان شاءالله هتتغيرى للاحسن
او ل حاجه يافتوكه عايزاكى تعرفيها هى مقوله الانطباعات الاولى تدوم
يعنى خليكى دايما قدام الناس فى ابهى صورك يعنى خلينا نحتفظ بالصورة التانيه لينا احنا حرام الناس مالهاش ذنب
تانى حاجه الصوت الست تتميز بانها رقيقه ومش معنى الرقة الضعف لا بالعكس بس الصوت العالى مش من سمات المراه يعنى خلى صوتك يادوب مسموع ولو انت صوتك عالى ومش عارفه تعملى ايه كل حاجه بالتدريب حاولى توطى صوتك بدون اخضاع للقول يعنى بدون دلع فى الكلام عشان مانغضبش ربنا لا بس نخلى الصوت يادوب على قد ماالى قدامى يسمعنى من غير ماتكونى مصدر ازعاج
تالت حاجه تتعلمى كل اللى يخص الستات من طبيخ وحاولى تاخدى دورة خياطه مثلا واتعلمى تعملى حلويات ومعجنات كمان اقرى فى تربية الاطفال والتعامل معاهم ده بجانب التعليم بتاعك لكن انى اكون واخده احسن شهاده ومش بعرف اطبخ اكله حلوه يبقى ماليش عازه
اهم صفه بقى هى انك تكونى مطيعه فى الخير يعنى بنسميها عندنا سخيه
يعنى ايه لوحد طلب منك طلب اعمليه طول ماانت بتقدرى وافتكرى ان اللى بيمشى فى حوائج الناس ربنا بيرضى عنه وان خير الناس انفعهم للناس
كمان خلىكى دايما زى ماهقولك كده خليكى لما بتكونى موجوده محدش يحس بوجودك لكن لما بتغيبى الدنيا كلها بتتلخبط من غيرك يعنى ايه الكلام ده
يعنى ماتمنيش على الناس بخدماتك ماتقعديش تقولى انا عملتلكم كذا وكذا اللى تعمليه ارميه ورا ضهرك كانك ماعملتيهوش
وماتفكريش فى نفسك الخير ابدا بالعكس حسسى نفسك دايما انك مقصرة
خلى كلامك كله حلو يعنى ماتقوليش كلام واقف .واوحش صفه ممكن الاقيها فى ست موضوع رمى الكلام ان وحده ترمى كلام على وحده دى صفه مش كويسه ابدا
كمان ارقى بنفسك عن المشاكل يعنى بلاش موضوع انا قدها وقدود وانا هعمل وهسوى لا خليكى ارقى من كده ومتسامحه يعنى فيه مثل صعيدى بنقوله حشمة الجيد من نفسه
يعنى الانسان مايستناش غيره يحافظله على كرامته لا انت اللى تحافظى على كرامتك بايدك
لمتابعة باقي الموضوع علي الروابط التاليه :
#13 – #19 – #38 – #53
انا مصرية وافتخر انا مصرية وافتخر فتكات رائعة Fatakat 542778 الرياض – المملكة العربية السعودية