السلام عليكم يا احلى حوامل .. ايه الاخبار ؟ يارب تكونوا ف احسن صحة وحال
انهارده جيبالكم موضوع يارب يعجبك ..
طبعا اغلبنا بنرفض نروح اى مستشفى حكومى او اى حاجة الدولة بتدعمها خصوصا فى فترة الحمل لاننا بنهتم اوووى الفترة ده بصحتنا وللاسف مستشفيات الحكومة غنية عن التعريف للاسف
بس انا عشت تجربة غيرتلى تفكيرى شوية وهى : وحدات رعاية الامومة والطفولة..
ايووون محدش يستغرب الرعاية او مراكز طب الاسرة .. ايه بقى اللى حصلى وغيرلى تفكيرى ؟؟
الحكاية باختصار ان زوجى لحوح جداااا وبيلح من فترة انى اروح اتابع مع الرعاية بجانب الدكتورة بتاعتى وبيقولى نجرب وحنخسر ايه !! ( الرجالة وسننهم بقى ربنا يصبرنا ههههههه)
المهم شدينا الرحال الساعة 11 الصبح ورحت اقرب وحة ليا تقريبا فـ وش البيت
واذا بالمفاجاة ههههه المكان نضيف جداااااااااااا !!! والمعاملة كويسة جدااااااااا !!! واهتمام وذوق !!!!
والله بجد انا استغربت جدااااااااااا طبعا .. المهم طلعنا للدكتورة وهى استشارية ف منتهى الاخلاق والمهنية والذوق .. قعدت تكشف عليا نص ساااعة اه والله !!
وكلام ونصايح ف كل حاجة الاكل والبشرة وازاى احافظ على وزنى وكل حاجة تخص الحامل .. وبعدين عملت سونار .. وحولتنى على عيادة الاسنان وادتنى نصائح كتييييير … وقاست الضغط والوزن .. وعملتلى تحاليل زلال ف البول واملاح ف البول .. وهوموجلوبين .. وسكر صايم
اه والله بجد .. وكل ده من غير فلوس غير تذكرة الدخول وتذكرة السونار بس
عاااااارفين دفعت كام على كل الكلام ده ؟؟ 6 جنيه بس !!! اه والله واخدت نصايح كتييييييييييير وسالتها كل الاسئلة اللى بلاقيها هنا ف فتكات .. والدكتورة بتفهمنى بمنتهى البساطة والادب بجد …
الخلاصة بقى عشان الحامل خلقها ضيق واكيد زهقتو منى :
طبعا كل واحدة فينا بتروح للدكتورة بتاعتها .. صح ؟؟ والدكتورة طبعا بتعملها سونار .. صح ؟؟
وبعدين تقولها كام كلمة تحلل قرشها .. صح ؟؟ وبعدين تقولك مع السلامة يا مزة .. صح ؟؟
وكل دكتورة طبعا مش اقل من 50 جنيه وبتوصل لـ 120 جنيه ف الشهر .. صح ؟؟
وساعات بيبقى ف نفسك تسأليها كل اللى فبالك بس بتنسى او زى دكتورتى اللى كنت بروحلها كانت مش بتتكلم اصلا على الرغم من شهرتها وسعرها الغالى مووت ؟؟
طيب فكرة بقى ليكى انتى وهيا .. تابعى مع الدكتورة بتاعتك عشان الولادة طبعا .. بس روحى الرعاية او طب الاسرة استفيدى بالمزايا اللى بتدعمها الدولة ليكى ولطفلك
اعملى سونار .. وتحاليل كل شهر .. وكشف على الاسنان .. وحقنت التيتانوس .. وتعليمات ونصايح .. ومتابعة حمل كل شهر وتقسى الوزن .. والضغط .. والادوية كمان
وكل ده ببلاش يا فتوكات والله .. او بمبلغ زهيد جدااااااااااااااااااااااااا .. زى ال6 جنيه اللى انا دفعتهم بس ..
اتشجعى يا فتوكة وروحى اطمنى على نفسك وعلى البيبى واعملى كل الحاجات ده واكتر
انا كده خلصت اى استفسار انا فالخدمة ..
شيماء الاسكندرانية شيماء الاسكندرانية 370153_1.gif فتكات نشيطة Fatakat 370153 الاسكندرية – مصر