بسم الله الرحمن الرحيم
اللهم صل على نبينا محمد وآله
النهاردة معانا أكلة خفيفة ونخرج بيها شوية من روتين الطبيخ
هنعمل ( فريك بالقلوب )
وكله بالصور
نقول بسم الله ونبدأ
* 2 كوب فريك متنقي ومغسول كويس
ومنقوع في المية ثلث ساعة
*بصلة كبيرة مقطعة قطع صغيرة
* 2 فص ثوم مفروم
2 مكعب ماجي , ورق لورا , 3 فص حبهان , فلفل اسود
رشة بهارات
* نص كيلو قلوب دجاج
نفتحها من النص
وننظفها ونغسلها كويس اوي
عشان الدم اللي جواها يخرج
* ملعقتين كبار زيت
* كوباية ونص مية سخنة
* فوطة سفرة خفيفةأو شاشة أو ورق زبدة
متستغربوش .. هتعرفوا ليه بعد شوية
هنحمر البصل والثوم مع بعض في الزيت
لحد ما يتحمر كدة
وبعدها نضيف القلوب على البصل
ونقلبهم
ونقلبه كويس اوي
لحد ما كلها تاخد اللون البني
ونضيف عليها الماجي
والفلفل الاسود والحبهان
ورشة بهارات
ونضيف عليهم الفريك بعد ما نصفيه من المية
ونقلبهم كلهم مع بعض لمدة 3 دقايق تقريباً
معلش الصورة جت مهزوزة شوية
وبعدين هنضيف المية السخنة للقلوب
ونسيبها تغلي غلوتين
لحد المية بتاعتها متلاقيها تقلت شوية
وبدا شكل الفريك يبان
هنغطيها ونسيبها تتشرب زي الرز
على نار هادئة
هنا شكل الفريك بعد ما اتشرب خلاص
هنا في ملاحظة
الفريل لما نيجي نقلبه بنلاقيه من تحت لسة
في مية خفيفة
دي طبيعة الفريك والبرغل
يعني بيكون معرق شوية
فبقلبه بملعقة خشب
وأجيب فوطة سفرة خفيفة
او شاشة زي اللي بنصفي فيها العرقسوس
او ورق زبدة
ونحطه على وش الحلة ونغطيها
لمدة 10 دقايق
وهو ع النار الهادئة اوي
و البخار اللي هيطلع هيتشرب في الفوطة
ويفلفل الفريك
ودة طبق وعليه قلوب هدية
لأول رد
استني رايحة فييييين
تعالي معايا ع المطبخ
شمري ايديك ويلا
ههههههههههههههههه
تحياتي لكم
( بنت بطوطة )
مواضيع هذا القسم برعاية
بنت بطوطة بنت بطوطة 114954_8.gif يـــارب صــبرنا Fatakat 114954 جدة – السعودية