السلام عليكم ورحمة الله وبركاته
ازيكم يافتوكات يارب تكونو دائما بخير
انا حسيبكم مع الوصفة على طول عشان مطولش عليكم
الوصفة دي فطيرة محشية بطاطة بالجبنة تكفي 4اشخاص
المقادير:
1- كيلو بطاطة
2- كيلو دقيق
3- ربطة كزبر
4- 5فصوص ثوم
5- 4 حبات بصل
6- زيت زيتون
7- 4 مثلثات جبنة لافاش كيري
البهرات:
1- ملعقة صغيرة فلفل اسود
2- ملعقة صغيرة فلفل احمر
3-ملعقة صغيرة كمون
4 -ملعقة صغيرة ملح +ملعقة صغيرة ملح للعجين
5- ملعقة صغيرة كركم
أولا: نبدأبتحضير الحشوة
1- نصلق البطاطة لغايت لما تبقى طرية
2- نقشرها و نهرسها كويس بالشوكة بعدين نضيف الجبنة عليها
3- نقلبها كويس مع الجبنة بالشوكة ونضيف عليها البهرات كلها
4- نجيب مقلاة كبيرة أو حلة زي ما تحبو و نقلب البصل والثوم في زيت الزيتون على نار هادية عشان ميتحرقت لغايت لما يصفر لونو
بعدين نضيف الكزبر ونقلبو شوية دقيقتين بس
5- نضيف البطاطة والجبنة والبهرات على البصل والثوم والكزير ونقلب كويس بشوكة كبيرة ونحرص على الاستمرار في التقليب عشان ميتحرقش لغايت لما يمتزج الخليط كلو كويس
ودة الشكل النهائية للحشوة دلوقتي نسيبها تبرد على ما نحضر العجين
ثانيا : تحضير العجين
1- نحضر كيلو دقيق للعجن ونضيف عليه 4 ملاعق كبار زيت زيتون وملعقة صغيرة ملح ونصف ملعقة صغيرة خميرة
ونعجنها كويس بااليد أو في العجان لازم تتعجن لغايت لما تبقى لينة مش جامدة
2- نقطها إلى كرات متوسطة
3- نبدأ ناخد كرة وندهنا بزيت زيتوة ونفردها شوية باليد بعدين نحط في نصها شوية من الحشوة
بعدين نقفلها كويس
ودة الشكل النهائي ليها بعد منقفلها طبعا حنتبع الخطوة دي مع كل كرات العجين
4- ناخدهم كرة بكرة ونبدأ نفردها
5- بعد منفردها نحطها في المقلاة على نار هادية و كل شوية نقلبها على الوجه الاخر (لازم المقلاة تكون تيفال الاصلية عشان العجينة متلزقش فيها )
ودي النتيجة النهائية
اتفضلو بالهنا والشفا
الوصفة دي بيحبوها الاطفال اوي عشان طعم الجبنة والبطاطة فيها بيبقى جميل اوي
يارب تعجبكم وتجربوها
متنسوش التقييم مواضيع هذا القسم برعاية
ahdab ahdab 281615_8.gif سوبر فتكات Fatakat 281615 طنطا – مصر