السلام عليكم ورحمة الله وبركاته……….
ازيكم يا فتوكات
النهارده تقريبا أول مره أقعد فى البيت من أول رمضان وأعمل فطار لبيتنا عشان العزومات كانت مبهدلانا
فصورتلكم الفطار وهشرحلكم الطريقه عشان لو واحده حبت تعمله كفكره جديده لزوم التغيير يعنى
عملت النهارده العصير قمر دين
طبعا طريقته سهله
يا اما بتنقعيه فى الميه من أول اليوم أو أنا بفضل أغليله ميه وبعدين أدوبه فيها مع السكر وأسيبه يبرد شويه وبعدن عالفريزر عدل
الفطار بأه كان رز بالكبد والقوانص أنا بموت فيه وكنت كتبت طريقته قبل كده بس من غير صور
وأدى الصور والطريقه:
أولا بقطع بصلتين وسط وأقلبهم فى معلقتين سمنه وزيت لحد ما تدبل
بعدين أضيفلها القوانص طبعا بتكون متقطعه صغير وأقلبها لحد ما تتحمر وأضيفلها شوية ميه صغيرين
وأسيبها لحد ما الميه تنشف
أقوم ضايفالها الكبده المتقطعه صغير برضه
وأقلبها لحد ما يبقى لونها بنى فاتح
بعدين أضيف الرز طبعا أنا عملت 1|2 كيلو كبد وقوانص على 4 كبايات رز
وبعدين أغطيهم بميه تكون مغليه وأضيف الملح والتوابل
وأسيبه لحد ما يستوى
ودى صورة الرز بعد ما استوى
تبلتها الأول بكسبره وفلفل اسود وكمون وخل وبصل مبشور وسبتها قد ساعتين
وبعدين دى الخلطه اللى بقلبها فيها قبل التحمير
بحطها فى الدقيق الأول وبعدين البيض وبعدين البقسماط
عشان تطلع مقرمشه
وده شكلها بعد ما اتحمرت وزوقت الطبق بالبقدونس لزوم الحركات
وعملت جنبهم سلطة الثوميه اللى بعشقها
وهى ليها 3 طرق عرفتهم من الشيف يسرى بس أنا بعمل أحلى وأسهل طريقه فيهم
المقادير:
2 كوب مايونيز _ 5 فصوص ثوم مفريين _ 2 ملعقة خل _ 1 معلقة عصير ليمون
وبتخلطى كل المقادير دى مع بعض كويس
وده شكلها النهائى وبرضه زوقتها بالبقدونس
وده شكل السفره النهائى
يلا يا فتوكات مستنيه ردودكم الحلوة
وأوعوا تنسوا التقييـــــــــــــم……………….
مواضيع هذا القسم برعاية
نادين2017 نادين2017 197210_26.gif فتكات ست الكل Fatakat 197210 الوادى الجديد / الخارجة – مصر