بسم الله الرحمن الرحيم
حقدم لكم سفرتى الرمضانية ان شاء الله تعجبكم
اولا الحلويات
بلح الشام وطريقته اختها من الاخت العزيزة ام عزيزان
المقادير
2 ك دقيق – 1/2 ك زيت او بدة – 2 ك ماء – 4 بيض – 1 م ص فانيليا – 1 م ص خل – زيت للقلى – شربات
الطريقة
1- يوضع الماء والزيت او الزبدة على النار حتى يغلى ثم نرفعه من النار
2 – نضع الدقيق ونقلب كويس وبعد ما يبرد نضع بيضة بيضة مع الخفق الجيد
3 – نضع الفانيليا ثم يشكل ويقلى فى الزيت وبيكون الزيت دافيء وبينزل بلح الشام تحت وكل ما يسخن الزيت ويبدا فى السوا حيطلع على الوش لحد مايكون لونه دهبي
ثم يوضع فى الشربات
ودى صينية كنافة بالجبنة الريكوتا والقشدة
المكونات
1/2 كيلو كنافة – جبنة ريكوتا – زبدة – شربات – قشدة
الطريقة
نحط الزبدة السايحة على الكنافة ونخلطها كويس ونفرد نصها فى الصينية ونحط الجبنة ونخلطها بالقشدة ونحط باقى الكنافة ونحط شوية زبدة على الوش وندخلها الفرن لحد ما تحمر وتسقى بالشربات
ومعاهم خروب وسوبيا
ثانيا الاطباق الرئيسية
صينية الخضار بالباشميل
المقادير
كل انواع الخضار اللى بتحبيها
انا حطيت باذنجان وفلفل الوان وكوسة وبطاطس
تقلى الخضار فى الزيت لحد ما يكون لونه دهبى
جهزى البشاميل وحطى راقات من الخضار ومن البشاميل لحد ما تخلص الكمية وعلى الوش حطى الجبنة الموزريلا وتدخل الفرن تحت الشواية لحد ما تاخد لون
تتبلى الخضار بملح وفلفل وزعتر
المقادير
ربع كيلو جلاش – مكرونة اسباجتى – زيتون شرايح – بصلة مبشورة – طماطم مكعبات – فلفل مكعبات – بشاميل خفيف
حوالى كوب –
الطريقة
نحط البصلة على النار مع شوية زيت لحد ما تصفر ونحط الطماطم والفلفل والزيتون وملح وفلفل اسود وزعتر
يمكن اضافة ماشروم وبعد ما تتسبك شوية نحط المكرونة والبشاميل ونقلب
نجهز الصينية وندهنها بالزبدة ونحط الجلاش واطرافه من بره ثم نضع الحشو ونقفل من فوق وندهن زبدة وتدخل الفرن
اما الطبق ده سمبوسك بالجبنة والبقدونس والزعتر ورولات الدجاج بالجبنة الرومى والزيتون
مقادير وطريقة السمبوسك
عجينة سمبوسك جاهزة – جبنة ملح خفيف – بقدونس – يمكن اضافة زيتون
نخلط كله مع بعض ونحشى السمبوسك ويقلى فى الزيت
مقادير وطريقة الفراخ
زيتون اسود شرايح – جبنة موزريلا او رومى اوشيدر مبشورة – مستردة ملح وفلفل نخلط المقادير مع بعض
فى الوقت ده نكون متبلين الصدور بملح وفلفل وماية بصل
ونبدأ نحشى الصدور ونقفلها بالخلة
ونحطها فى الدقيق ثم فى البيض وبعد كده البقسماط
ونحطها فى التلاجة ترتاح ثم تقلى
وصورة تانية
جلاش بالحمة المفرومة والبسلة والجزر
المقادير
جلاش – لحمة مفرومة عصاج – بسلة مسلوقة – جزر مسلوق مكعبات صغيرة – زبدة
نخلط اللحمة والبسلة والجزر ونفرد الجلاش شرايح بالطول وندهنها بالزبدة ونحط الحشوة ونلفها وندهنها زبدةعلى الوش وتدخل الفرن
ثالثا السلطات
سلطة الزبادى بالخيار والنعناع المجفف
المقادير
زبادى – خيار مبشور- نعناع جاف يمكن وضع فص توم مفروم حسب الرغبة
نخلط كله مع بعض ونرش نعناع على الوش
مخلل
وكمان كان فى فتوش بس نسيت اصورها حتظهر فى صورة السفرة
مقادير وطريقة الفتوش
خيار مكعبات – فلفل الوان مكعبات – طماطم مكعبات – جزر مكعبات – خس -عيش محمص – ملح – ليمون -سماق -ملعقة خل
نخلط المكونات وعند التقديم يضاف العيش فى الاخر ونرش السماق فوق الوش
وصورة من زاوية تانية
تم بحمد الله ورمضان كريم عليكم جميعا
متنسوش التقيييييييم شكرااااااااااااا مواضيع هذا القسم برعاية
shaymaa seif shaymaa seif فتكات رائعة Fatakat 83346 ALEXANDRIA – EGYPT