فضائل – الشيخ / أحمد
جلال -الصلاة على النبى –
قام بتفريغ الحلقة
اختنا الحبيبة جزاها الله عنا خير الجزاء
الننة كرمبة
لمشاهدة وتحميل الحلقة
https://www.way2allah.com/khotab-item-77500.htm
فضائل – الشيخ / أحمد جلال – الصلاه على النبى –
السلام عليكم ورحمة الله وبركاته
الحمدلله رب العالمين والصلاة والسلام على أشرف المرسلين
سيدنا محمد وعلى أله وصحبه ومن تبعهم بإحسان إلى يوم الدين
أما بعد,,,
فأهلا وسهلا ومرحبا بإخوانى وأخواتى وأهلى وأحبابى وأسأل الله سبحانه وتعالى
الذى جمعنى وإياكم في هذه الساعة المباركه على طاعته أن يجمعنى وإياكم
في جنته ودار كرامته مع النبيين والصديقين والشهداء والصالحين وحسن أولئك رفيقا
حلقة امبارح اتكلمنا فيها عن شفاعة النبي صلى الله عليه وسلم
واتكلمنا اد ايه النبي صلى الله عليه وسلم لم يجعل دعوته من أجل
دنيا ولم يجعل دعوته المستجابة من أجل ان يدعو على قومه بل كان النبي صلى الله عليه وسلم
قد ادخر هذه الدعوة لهذه الأمة
الصحابة يخشوا على النبي صلى الله عليه وسلم ويقولوله يا رسول
الله ألا تدعوا الله سبحانه وتعالى أن يعطيك ملكا كملك سليمان ،
والنبي صلى الله عليه وسلم يقولهم لأ ما من نبي الا كانت له دعوه
فمنهم من دعا بدنيا كسليمان ومنهم من جعلها دعوة على قومه لما عصوه وكذبوه
وأما أنا فادخرت دعوتى شفاعة لأمتى يوم القيامة
دة اللى النبي صلى الله عليه وسلم عمله عشان كدة قولتلكم يا ترى شفاعة النبي رايجة لمين ؟
شفاعة النبي هتحل على مين ؟
شفاعة النبي مش هتحل الا على واحد كان بيصلى عليه
اوى ودة اللى النبي صلى الله عليه وسلم قالهولنا النبي صلى الله عليه وسلم
قال لنا في الحديث الصحيح
أولى الناس بى يوم القيامة أولى الناس بى يوم القيامة أولى الناس بى يوم القيامة
مين يا رسول الله ؟ قال أكثرهم صلاة على
ازاى النبي صلى الله عليه وسلم يفضل طول حياته بيفكر فيك وبيفكر في
يوم يعنى كل الناس بيقولوا فيه يا رب سلم سلم
النبي قال كدة دعوة الأنبياء يومئذ يارب سلم سلم
النبي صلى الله عليه وسلم أهم حاجة عنده أنت
أهم حاجة عنده أمته ازاى أنا انهاردة أشوف النبي
بيتعامل معايا كدة وأنا الى الآن مابصليش عليه ازاى يعدى على يوم ورا يوم ورا
يوم وأنا مابصليش عليه ازاى يعدى عليك يوم أصلا وماتصليش
على النبي صلى الله عليه وسلم
النبي قال أنا هشفعلك بس خد بالسبب أنت سبت السبب يبقى عايزه يشفعلك ازاى ؟
النبي صلى الله عليه وسلم بيقول أولى الناس بى يوم القيامة أكثرهم صلاة على
النبي صلى الله عليه وسلم بيقول من صلى على حين يصبح عشرا
وحين يمسى عشرا حلت له شفاعتى يوم القيامة
معقول نسمع حديث زى دة ومحدش لسه بيصلى عليه
صلوا عليه
النبي صلى الله عليه وسلم أكد لينا على هذا المعنى قال اللى
هيصلى عليا 10 مرات لما يصبح بعد صلاة الفجر و10
مرات لما يمسى عند صلاة العصر حلت له شفاعتى يوم القيامة معقول لسه مابنصليش !
النبي صلى الله عليه وسلم قال اذا سمعتم المؤذن فقولوا مثلما يقول لما تسمعوا
المؤذن قولوا مثلما يقول ثم صلوا على ثم سلوا الله عزوجل لى الوسيلة
فأنها منزلة لاتنبغى الا لعبد من عباد الله وأرجوا أن أكون أنا هو
فمن سأل الله لى الوسيلة بصدق حلت له شفاعتى يوم القيامة
صلي على النبي صلى الله عليه وسلم
الصلاة على النبي من أعظم الأعمال اللي بيها ربنا سبحانه
وتعالى يعطينا هذه المكانةالعالية أوي مكانة
إن ربنا سبحانه وتعالى يخلي النبي شفيع لينا يوم القيامة
مش كده وبس النبي صلى الله عليه وسلم قالنا في اللي
هيصلي عليه قال النبي صلى الله عليه وسلم من صلى
علي صلاة كتب الله له بها عشر حسنات الصلاة الواحدة
بس يعني قعدت النهاردة وصليت على النبي صلى الله عليه وسلم لحد صلاة العشاء
و التراويح مائة مرة يبقى دول ألف حسنة اتحطيت في ميزان حسناتك ده مش كده وبس
ده النبي صلى الله عليه وسلم قالناما من أحد من أمتي يصلي علي صلاة
مخلصا فيها تصلي على النبي صلى الله عليه وسلم وأنت مخلص
إلا صلى الله عز وجل بها عشرا وكتب الله له عشر حسنات
ومحا عنه عشر سيئات ورفعه في الجنة عشر درجات
اللهم صل وسلم وزد وبارك على نبينا محمد وعلى آله وصحبه وسلم
مش كدة وبس دة انا عايزك تصلى عشان
النبي يعرف ويعرفك باسمك معقول !!!
أيوة طبعا , النبي صلى الله عليه وسلم قالنا كدة إن لله عزوجل ملائكة
سياحين في الأرض وظيفتهم ايه ؟
يبلغونى عن أمتى السلام يبلغونى عن أمتى السلام بل
هو أعجب من كدة يعنى أنت في مصر في السويس في الأسكندرية في المنصورة
لا دة أنت في تونس في المغرب في الجزائر
في أى مكان تقول
اللهم صل وسلم وزد وبارك على نبينا محمد
تلاقى بسرعة الصلاة ديه وصلت للنبي ليه ؟
لأن فيه ملايكة ربنا جعل وظيفتها كدة انها تنقل
صلاتك وسلامك على النبي صلى الله عليه وسلم له هناك في قبره
طب ماالنبي صلى الله عليه وسلم خلاص مات لأ ما ربنا بيرد له الروح
مرة ثانية ليه عشان أنا لما أقولك انك بتصلى على النبي صلى الله عليه وسلم
انت مش متخيل ايه اللى بيحصل في الكون أصلا
النبي صلى الله عليه وسلم بيقولنا فيه ملائكة بتسيح في الأرض فائدتها ايه ؟
وظيفتها ايه ؟ عملها ايه ؟
تبلغنى عن أمتى السلام طب يا رسول الله
هى بلغتك السلام طب انت مت وغادرت الحياه
اسمع بقى الحديث دة عشان يسخنك أكتر انك كل شوية
تقول اللهم صل وسلم وزد وبارك على نبينا محمد النبي صلى الله عليه وسلم
قال إن الله سبحانه وتعالى اذا صلى على أحد
أو اذا سلم على أحد رد الله على روحى ليه يا رسول الله ؟ حتى أرد عليه السلام
النبي هو اللى هيرد عليك السلام تخيل انهاردة
احنا لو عندنا واحد ماشاء الله مكانه عالية أوى
في المجتمع وجه سلم عليك بتبقى مبسوط أوى بتبقى فرحان أوى
دة فلان الفلانى انهاردة سلم عليا طب
تخيل بقى النبي صلى الله عليه وسلم بيقول الا رد الله على روحى ليه ؟
حتى اسلم عليه
خد أعجب من كدة
ان النبي صلى الله عليه وسلم قالنا حديث قمة الروعة
قال النبي صلى الله عليه وسلم إن الله وكل ملكا عند قبرى فيه
ملك من الملائكة عند قبر النبي صلى الله عليه وسلم
معه أسماء الخلائق فما من أحد يصلى على الا وقال
الملك يا محمد صلى الله عليه وسلم إن فلان بن فلان يصلى عليك
أنا اسمى فلان الفلانى باسمك كدة عند النبي صلى الله عليه وسلم خلاص اتقال
اسمك عند النبي ربنا يرد روح النبي عشان النبي صلى الله عليه وسلم يرد عليك
اللهم صل وسلم وزد وبارك عليك يا رسول الله
من صلى على صلاة الا صلى الله عزوجل عليه بها عشرا
يعنى ايه صلى الله عزوجل بها عشرا انا لما
أقول اللهم صل على محمد طب ربنا بيصلى عليا
ازاى بحاجتين الحاجة الاولنية ان ربنا يثنى عليك في الملأ الأعلى
ان ربنا يتكلم عليك بخير في الملأ الأعلى مش كدة وبس
أو يغفر لك فصلاة الله على العبد اما ان تكون ثناء عليه في الملأ الأعلى
او اما ان تكون مغفرة لذنوبه
متخيل انك تقول اللهم صل وسلم وزد بارك على نبينا محمد
وفي نفس الوقت دة ربنا سبحانه وتعالى بيمحو عنك ذنوبك
وبيكتب لك حسنات وبترفع بيها في الجنة درجات
كتير من الناس بيرفع ايديه ويظل يدعو لله سبحانه وتعالى
ومع ذلك ربنا سبحانه وتعالى مابيديلوش اللى هو عايزه صح ؟
في كتير من الأوقات احنا بنسأل نفسنا السؤال دة دايما
بيجى السؤال دة لينا كتير في المساجد يا شيخ
انا دعيت ربنا سبحانه وتعالى كتير ومابيستجبش ليه هو ليه ربنا مااستجابش ليه ؟
لان انت سبت شرط من شروط الدعاء هو ايه الشرط دة ؟
انك لسه ماصلتش على النبي بعضينا بيجى يدعى يارب
اغفرلى يارب توب عليا ولو في الأيام الفاضلة اللى جايه ان شاء الله أيام بقى العشر
الأواخر من رمضان يارب انك كريم تحب العفو فاعف
عنا هو ليه ربنا سبحانه وتعالى مااستجابش دعائي
هقولك لانك ماصلتش على النبي لان النبي صلى الله عليه وسلم
يقول كل دعاء محجوب بين السماء والأرض حتى يصلى على
كل دعاء محجوب كل دعوة هتدعيها ربنا مش هيستجبها ليه ؟
لحد ما تصلى على النبي صلى الله عليه وسلم
مش كدة وبس دة سبحان الله خد بالك خد بالك احنا عمالين نقول اللى
هيصلى على النبي النبي هيشفع له طب اللى مابيصليش على النبي وضعه ايه ؟
لالالا دة دة على خطر
قال النبي صلى الله عليه وسلم من ذكرت عنده فلم يصلى
على انتوا لسه ماصلتوش من ذكرت عنده فلم يصلى
على أخطأ طريق الجنة يوم القيامة مايوصلش للجنة
هيبقى لوحده مش هيوصل للجنة أخطا طريق الجنة لسه مابتصلوش ؟
النبي صلى الله عليه وسلم بيقول البخيل من ذكرت
عنده ولم يصلى على في بعض الروايات اولا اخبركم بأبخل الناس ؟
قالوا من هو يا رسول الله قال من ذكرت عنده ولم يصلى على
اوعى في يوم من الايام ماتصليش على النبي صليت عليه
وكترت اوى في الصلاه عليه بقى شفيع لك في يوم القيامة
انما مابتصليش عليه النبي صلى الله عليه وسلم بيقول
رغم أنف امرئ ذكرت عنده ولم يصلى على
يعنى ايه رغم أنف امرئ ؟
يعنى مناخيره بقت في التراب ودة كناية عن ذل وصغار يوم القيامة
بقولك انسان هيخش النار والنبي بياخده من النار
للجنة لان النبي صلى الله عليه وسلم بيشفعله صلى الله عليه وسلم
على النقيض واحد النبي بيذكر عنده ولا يصلي عليه دة انسان يذل
يوم القيامة يكون ذليل حقير صاغريوم القيامة عشان كدة بنقول الصلاه
على النبي صلى الله عليه وسلم تخلى النبي يجى يوم القيامة شفيعا لك يوم القيامة
هاختم بقى معكم بهذا الحديث وفيه النبي صلى الله عليه وسلم
جاءه الى يوم ابى بن كعب فقال يا رسول الله كم اجعل لك
من صلاتى يا رسول الله كم اجعل لك من صلاتى؟
اجعل لك يا رسول الله الربع قال الربع كثير وان زدت فهو خير قال يارسول الله النصف
قال كثير وان زدت فهو خير قال يا رسول الله اجعل لك الثلثين قال كثير
وان زدت فهو خير قلت يا رسول الله اجعل لك دعائي كله او صلاتى
كلها يا رسول الله انا لما هدعى ربنا سبحانه وتعالى
ساعتها يا رسول الله انا هاجعل لك الدعاء كله دعائى
كله ليك انت يا رسول الله فقال صلى الله عليه وسلم شوف
اللى بيصلى على النبي وشاغل وقته بالصلاة على النبي صلى الله عليه وسلم
قال اذا تطفى همك ويغفر ذنبك ساعتها ربنا يزيح عنك
كل همومك كل يزيل عنك كل غمومك ويغفر لك ذنبك
وفي رواية اخرى اذا يكفيك الله عزوجل ما أهمك من امر الدنيا
والاخرة عمرك مايصيبك الهم ابدا لا في الدنيا ولا في الاخرة
ازاى يصيبك الهم في الآخرة وشفيعك هو حبيبك صلى الله عليه وسلم وزد وبارك على نبينا
محمد اللهم اجعله لنا شفيعا يوم القيامة وصلى اللهم على نبينا محمد وعلى آله وصحبه وسلم
اضغط لايك
تجديها ان شاء الله حسنات كتير عند ربنا سبحانه وتعالى
في صحيح مسلم عن أبي هريرة رضي الله عنه قال : قال : رسول الله صلى الله عليه وسلم { من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا }
*أم بسملة* *أم بسملة* 381757_58.gif ملكة فتكات Fatakat 381757 اللهم لا تجعل الدنيا أكبر همنا ومبلغ علمنا ولا تسلط علينا من لا يرحمنا ولا يخافك فينا – رب ابن لي عندك بيتا في الجنة