كنت كل مدخل الاقى موضوع بنات عماله تشكر فى فساتين الافراح والاتيليهات اللى فى حلوان فساتين اى اخر موضه واسعار رخص التراب وهيا ها نفس الموديلات اللى فى روكسى ومدينه نصر مع اختلاف السعر طبعاااااااا
المهم يا اختى منك ليها خت اخواتى فى ايدى وصحينا الساعه عشره وركبنا المترو عشررررررررررين محطه: مش مهم كلو فى سبيل التوفير المهم نزلنا من المترو لقينا سوق عادى تعايشنا وسالنا الاول على شارع شريف او الشرير كان فى مول كدا كلو اتيليهات المهم اول محل موديلات انقردت من السبعينات قلنا منعممش اكيد دا بس اللى كدا نلف فيه شويه دخلنا خطوتين كلو نفس الاستيل قلت اسال البنت طيب الاسعار كام قالتلى 600 على فستا كدا شاورتلها عليه قلتلها ميرسى وماشيه قالتلى فى كلام تانى لو هتحجزى قلتلها يبئ بكلم يعنى قالتلى 400 الفصال دا حاجه فى دم البنات قلتلها اصل معجبنيش هنا حاجه قالتلى روحى عمارات المروه لينا فرع بس دا بئ اغلى من هنا لانو بينزل موديلات حديثه انتى عارفا المنطقه هنا شعبيه المهم ملفتش ف امول دا تانى لانى قفلت منو حتى معرفش ازا كان ليه دور تانى ولا لا المهم روحنا عمارات المروه بعد اللف وسؤال طوب الارض على الطريق وكل واحد يقول طريق تانى وفى الاخر يطلع قريب من امكان اللى كنا فيه المهم نفس الاستيل اللى هنا هنا بس ممكن دل على انضف سيكا واسعار الاجارات اغلى حاجه 1000 من بقها طبعا لو فصلت هاخدو 600
بغض انظر عن الرغى دا كلو .. بس كان نفسى اشوف فستان واحد من الل البنات فضلو يحكو ةيتحاكو عنو فى مواضعهم او موديل واحد زى موديلات روكسى او مدينه نصر … بس اتعلمت انى فعلا مش كل حاجه اقراها هنا اصدقها ضيعت يوم على الفاضى وبهدلت نفسى .. بس اهو الحمد لله عشان وقت مجيب فست ان شاء الله مندمش واقول لو كنت روحت حلوان كنت هجيبو وباقل واحسن موديل
انا قلت اقول عشان لو فيه بنات بتفكر تروح وبتحاول تظبط يوم لانو مشوار طبعا انها توفر اليوم دا لحاجه اهم لان مش هينوبك غير تعب الطريق
كوبايه شاى بلبن وبسكوت كوبايه شاى بلبن وبسكوت سوبر فتكات Fatakat 486258 eskndraya – egypt
سبحان الله و بحمده