السلام عليكم
ازيكم يا حبايبى اخباركم ايه 
الموضوع ده انا عملاه للافاده
عشان كده من فضلكم ياريت تقيموه خلو اكبر عدد يستفيد
انا شعرى من النوع الضعيف اللى بيتكسر ومتقصف ويقع وخفيف يعنى فيه كل العبر
والسبب انى فردته قبل كده كتير وكانت النتيجه ان شعرى بيقع ويتقطع
واخر فرد عملته كان قبل فرحى بشهر شعرى كله اتقطع وبعد ما كان طويل بقى عامل زى شعر الرجاله ولو شدتيه بايديكى بالراحه تلاقى الشعره بتتقطع ميت حته
والبوصيلات ماتت وكانت حالته حاله
وماما يوميها رنتنى حته علقه
ده غير انى كل ما اصحى من النوم الاقى جمبى خصله على المخده والسجاد مليان شعر والارض كمان
وجالى اكتئاب طبعا لانى عروسه وازاى هتجوز كده
ما علينا اهو ربنا دلوقتى كرمنى ورزقنى بعمر
ادعوله ربنا يهديه
انا بقالى فتره كبيره نفسى افرد لشعرى لكن كنت متردده محتاره مش عارفه افرده بايه
لكن قولت لااااااااا لازم اعمل وقفه واحاول اغيره حتى لو كانت النتجه بسيطه هتبقى بالنسبه لى مرضيه اوى لان شعرى خشن جدا وبيهيش ومنظره العام يكسف جدا لدرجه انى بقى لى فتره متحجبه على جوزى كمان
من منظره اللى يكسف
من حوالى اسبوعين روحت اشتري سوفت اند بيوتفل سمعت انه بيفرد حلو اوى لكن مالقتوش ولقيت الست بتطلع لى كريمات واعشاب هنديه وكريمات كرياتين
ويقيت محتاره اخد ايه
قالتلى ان الكوافيرات كلهم بياخدوا من عندها كريم ايطالى اسمه وان سيل بيفرد الشعر لمدة سنه
ب 45 جنيه وسمعت ان فى بنات جابوه ب 30 حسب المكان اللى بتشرى منه
وقالت لى على الطريقه وقالت لى انها عملته كمان لبنتها قبل فرحها وكان جميل
قولت خلاص اخده اجربه
اشتريته وركنته عندى اسبوعين عشان اعالج شعرى الاول من التساقط والتقصف
واستعملت حمام كريم بالكرياتين حلو جدا
ورغم انى قريت كتير على النت عن الكريم ده ولقيت ان فى بنات كتيره بتشكر فيه وبنات تانيه قالوا شعرنا وقع قولت يلا كده كده بايظه مش هيكون اوحش من شكله كده
والنهارده قررت اعمل الفرد رغم ان ماما خوفتنى جدا منه وقالت لى انه هيوقع شعرى زى الكريمات اللى جربتها قبل كده
وبعد مناقشات ومفاوضات مع ماما
وافقت على مضض
كويت شعرى بالمكواه اللى عندى هى براون
وشعرى طبعا كان نضيف غسلته قبلها بيومين بشامبو
وما حطتش اى زيوت او كريمات
وخدت الكريم وروحت الكوافير افرده هناك لكن مالقتش البنت هناك
رجعت البيت وطلبت من ماما تعملهولى وفعلا عملته قسمت شعرى 4 اجزاء وابتدت توزعه على الجذور بس بعيد عن منبت الشعر لانه لو لمس فروة الراس هيموت بصيلة الشعر ومش هتطلع تانى ابدا
ولبست البونيه وقعدت تقولى احسنلك تغسيله دلوقتى قبل مايقع
المهم سبته 25 دقيقه وبعدين غسلته وبصيت فى المرايه
لقيته فعلا مفرود وحلو لكن قولت ما تستعجليش استنى لما تعملى المثبت وشعرك ينشف يمكن يرجع زى ما كان
حطيت المثبت اللى جاى معاه وبعدين غسلته وشعرى زى ما هو جميل وبقيت فرحانه انه ما وقعش
لانه قبل الفرد كان بيقع كتير وضعيف جدا
وبعد ما شعرى نشف كان مفرود بنسبة 75 %
قولت حلو مش وحش اهو احسن من الاول برضه
شويه وابتدى يهيش
فحطيت له زيت دابر املا الدهبى وبقى كانه مكوى وليس وتحفه وبقيت اموره اوى
قولت لازم اقولكوا انتوا برضه حبايبى
المهم يا بنات اللى تعمله بعد ماتغسل شعرها من الفرد تسيبه لمدة اسبوع من غير غسيل عشان الفرد يثبت على الشعر
واللى محتاجه تفاصيل اكتر انا تحت امرها
ماتنسوش التقييم ودعوه حلوه لابنى ربنا يهديه
سلاااااااااام 
جلاكسى* جلاكسى* فتكات رائعة Fatakat 691748 الزقازيق – مصر