السلام عليكم يا اخواتى
النهارده جيبالكوا اكله سهله ولذيذه وتنفع للعزومات وشيك اوى
هنحتاج فرخه صحيحه كيلو الى كيلو و200 جرام انتى ومزاجك متنضفه وفله
تتبل الفرخه بالبصل المبشور وملح وفلفل و زعتر و ورق لورا وليمون وتترك فى التلاجه ليله او اطول مده ممكنه
كمان الحشوه عباره عن ارز بالبسله والحمه المعصجه
الطريقه للارز:
تصفر بصله مبشوره فى السمن ثم ننزل عليها بالجزر المبشور ثم البسله ونقلب تقلبتين و بعدين ننزل بالارز المغسول والمصفى ونتبل بالملح والبهارات والقرفه ونقلب لحد ما الارز يفلفل ثم ننزل بالماء بس اقل من المقدار اللى المفروض نستخدمه فى سوا الارز بالطريقه العاديه لان عايزين الارز نصف سوا
نسوى الارز عادى لحد ما يتشرب ويبقى تلات اربع سوا
نخلط معاه معلقتين لحمه معصجه مسبقا
نحضر الاكياس الخاصه بالفرن"ملحوظه ديه اكياس خاصه بالفرن تتحمل الحراره" و نرشه بالدقيق جيدا
تحشى الدجاجه من الداخل بالرز وبين الجلد واللحم جيدا
تقفل الدجاجه بالخله
ثم تدهن بالذبده وتوضع فى كيس الفرن
يقفل كيس الفرن بالشريط الخاص به بعد اخراج لهوا منه ولكن اتركى بعض الفراغ فى الكيس زى ما باين فى الصوره
و قصى الجزء الزائد من الكيس بعد ما تقفلى بالشريط
نخرم الكيس خرمين تلاته بالشوكه
يوضع الكيس فى صنيه فرن
ويدخل الفرن الحامى لحد ما تستوى الدجاجه حسب وزنها وفى الاخر نقص الكيس ونفتحه ونترك وجه الدجاجه يتحمر اكتر
و ادى الدجاجه بعد ما استوت ومتحمره ولحمها زى الزبده اما الطعم حكايه
الطريقه لصنيه البطاطس:
تقشر البطاطس و تقطع شرائح متوسطه
تقطع 2 بصله كبيره شرائح
توضع 2 طماطم فى ماء مغلى 5 دقائق ثم يقشر ويخرط فوق البطاطس والبصل
يتبل الخليط بالملح والفلفل ومكعب شربه دجاج او لحمه
يذوب 2 معلقه صلصه كبيره فى كوب شوربه دجاج او لحمه وتصب فوق خليط البطاطس
نضيف 1 م ك زبده
يصب الخليط فى صنيه فرن وتغطى
توضع على البوتجاز تاخد غلوة نصف سوا
ثم توضع فى الفرن لتكمل سوا و فى الاخر نكشف الغطا ليحمر الوجه
و ادى صنيه البطاطس بعد ما استوت
و ادى الغدا كله مع السلطه الخضرا
و طبعا كان فيه رز بالشعريه مفلفل وتحفه
يلا بقى جربوها وردوا عليا ومتنسوش تقيموا الموضوع وتجبروا بخاطرى
لسه عندى اكلات تانيه كتير
لا تنسونى بالدعاء لى ولاحبابى بالصحه والستر فى الدنيا ورضا الله والجنه فى الاخره
كمان ربنا يقومنى بالسلامه ويفرحنى بالطفل السليم الصالح مواضيع هذا القسم برعاية
coffee coffee فتكات رائعة Fatakat 136791 مدينتي – مملكتي