الاول ازيكوا صباح الفل على عيونكوا
دة اول موضوع ليا بالصور ويارب اعرف افيدكوا
امبارح عملت على العشا لجوزى فراخ مشويه وعجبته جدا وقرر انى اعزم مامته ووالده واخته عليها تانى يوم على الغداء
المهم مش هطول عليكوا وهاسيبكوا مع الصور ويارب تعجبكوا
.
.
اول حاجه يا قمرات هنجيب الفرخه من كيلو ونص ل2 كيلو هتبقى كويسه متخافوش هتستوى وتبقى زى الفل متخافوش
نتبل الفرخه
ازااااااااااااااااااااااااااااااى؟
اقولكوا
تجيبى بصلتين و2 طماطم وشويه كاتشب لو فى . وحبه زيت وملح وفلفل اسود وخل وليمون ومعلقه قرفه وحبه نعناع وشويه جنزبيل ( لو مش عندك اى حاجه من دول عادى ممكن تستغنى عنها بس الاساسيات لا طبعا ( بصل وملح وفلفل على الاقل )وطبعا ده كله فى الخلاط او الكبه مش عاوزينه صاحى احنا عاوزين الحاجات دى كلها ميه
هى هتبقى تقيله متخافوش بس كدة احسن واسرع
بعد ماتخلطيهم كويس دوقى وظبطى الطعم على مزاجك وتجيبى الفرخه المرحومه وتحطى التتبيله جواها وبين الجلد وعلى اد ماتقدرى غرقيها فيها
كــــــــــــــدة
.
.
وسيبيها فى التتبيله على اد ماتقدرى انا سيبتها يوم فى التلاجه والتانيه بتاعه حماتى عملتها بعد كام ساعه على طول وكانت كويسه جدا بردو
بعد ماتبلناها كويس زى ماقلنا ننجيبها ونشيل التتبيه من جواها ومن بين الجلد على اد مانقدر مش تغسليها عشان النكهه والريحه متضيعش وبعدين علقيها على سيخ الشوايه كدة
دى بقى وهى فى السيخ فى الفرن بتستعد للتعذيب
نسيبها من ساعه ونص لساعتين لحد ماتصفى ميتها نهااااااااااااااائى ونروح مدينها مطوه فى الدبوسه طبعا هتلاقها رشقت بكل سهوله كدة تبقى تمام
طبعا مولعين عليها من تحت وفوق ولو الفرن عندك بيشغل حاجه واحده بس ممكن تولعى عليها من تحت لحد ما تنزل مايتها زى ماقلنا وبعدين تولعى عليها الشوايه وتسيبيها لحد ماتاخد لون غامق عشان متكونش طريه او نيـــــه ودة كان شكلها
اثناء الشوى
وبعد الشوى مباشره اممممممممممممممممممممم لذيذه اوى دى مش محروقه على فكرة لونها دة افضل لون عشان تكون مستويه تماما ومفيهاش نقطه دم الحمد لله
وبعدين دى عجبت حماتى ( مش اى حاجه )
ودة كان شكلها فى طبق التقديم مع التحابيش بقى ( اشى طمماطم وجزر ولو فى خيار وبقدونس يبقى هااااااااااااايل )
وبالهنا والشفا
ادعولى عشان دى اول مرة اعمل موضوع بالصور وعاوزاكوا تشجعونى
بس سامحونى معرفتش اصغر الصور لو حد من المشرفات ممكن يصغرها يبقى جزاهم الله خيرا مواضيع هذا القسم برعاية
lila mady lila mady 574403_3.gif فتكات متميزة Fatakat 574403 القاهرة – مصر