كيفكن حبيباتي
دا كان غدانا في يوم من الايام
فرخه مشويه علي الطريقه الفتوكيه ههههههه
اقصد علي زجاجه البيبسي اصل فرني بلا شوايه(الغربه وبلاويها واللي بنلاقيه فيها هههههه) فقلت اجرب وادينا بنينا السد العااااااالي
الطريقه
بنتبل الفراخ من بالليل
في
طماطمايه+بصلايه+زبادي+فصين توم+خل+ليمونه+فلفل اخضر+بهارتك المتوفره (ملح- فلفل_شطه_زنجبيل-كمون_كركم_……..)
ونشكشكها كده في اماكن متفرقه علي حسب حجمها علشان تشرب الخلطه وكمان تستوي
(صوره استعراضيه)
الصبح بتجيبي صينيه فرن
وزجاجه البيسي الصاروح فاضيه طبعا ابقي اشربيها ع الفطار هههههه
وتمليها مايه وتملي الصينيه لنصها مايه
وتدخلي الزجاجه في الفرخه من تحت وتوقفيها في الصينيه وع الفرن والع من تحت بس
وعلي نار متوسطه
ماتفتحيش عليها الا بعد ساعه لو احمرت زي اللي بنشتريها اوك
مااحمرتش وعايزه مايه املي مايه بس لو بايركس مايه سخنه لانه بيفرقع
وارجعلها بعد نص ساعه
ممكن توصل لساعتين لو فرخه كبيره
لا ماتزهقيش ابقي اعملي اي حاجه تانيه روحي رتبي البيت او خدي شاور
وفاجئي الراجل باكل ومزه مستنياه هههههه
وممكن بدل ما تعملي في الصينيه مايه ممكن بطاطس لو هاتعملي معاها رز
وممكن تجربي حركه الفحم لو حابه
(صوره تقريبيه)
انا بقي كان معاها عيش حطيته في طبق فويل وع الفرن خمس دقايق كأنه لسه طازج
وطبق سلطه جميل
والحلو
بردوا غزتها بالسكينه ورشتها سكر
ودا شكلها بعد ربع ساعه
سريعه وجميله وزينيها براحتك
وعصير برتقال فرش علي ايدي مش في الخلاط
مدوا ايديكوا يافتاتيكي بالهنا والشفا
ياللا بقي مين هاتغرفلنا وتقيم وترد اول واحده ههههههههههه
والي لقاء في طبق جديد وسفره دايمه
مواضيع هذا القسم برعاية
احببتكم في الله احببتكم في الله 403450_10.gif فتكات ست الكل Fatakat 403450 الدوحه – قطر