ازيكم يا احلى بنات وستات
النهاردة حاقدملكم طريقة
الفراخ بصوص الكريمة والمسطردة
واتمنى انها تعجبكم وتجربوها
المقادير
فرخة مقطعة اجزاء
توابل وملح وفلفل
زبدة
نص كوباية مية
2 معلقة كبيرة مسطردة
3 معلقة كبيرة كريمة
الطريقة
بعد ما نغسل الفراخ كويس ونقطع كل ربع على حتتين حنجيب طاسة ونحط فيها الزبدة ونسخنها
وبعدين نبدا نحط قطع الفراخ ونتبلها بالملح والفلفل والتوابل اوريجانو وريحان او اللي تحبيه من
التوابل ودي مهمة جدا لانها بتدي طعم جميل جدا للصوص وده شكل الفراخ في الطاسة
ونضيف عليها حوالي نص كوباية مية ونهدي النار ونغطيها لغاية ماتستوى بس ناخد بالنا اننا
نقلبها ولو احتاجت مية تاني حطي بس مش كتير شوية بشوية
وبعد ماتستوى تمام حنشيل الفراخ في طبق التقديم وفي الطاسة حنلاقي الصوص اللي نزل
من الفراخ مع بقية التوابل نحط عليه الكريمة ونقلب وبعدين نحط المسطردة ونقلب وحيكون
ناخد الصوص ونحطه على الفراخ وتقدم ساخنة
والصوص ده طعمه بيبقى جامد جدا
وده شكلها بعد ما حطيت الصوص على الفراخ
ودي كمان
اتمنى انها تجربوها لان طعمها حلو جدا
مواضيع هذا القسم برعاية
شيكوموني شيكوموني 52728_16.gif Fatakat 52728 اوروبا والدول المتقدمة – ღ اسكندرية ღ