بصوا بقى يا بناات انا النهارده كان خطيبى عندى وعملت فراخ بالكارى والكركم كنت عملتهالوا المره اللى فاتت
وقالى اعمليها تانى .. كانت بجد تحفففففففففه
المهم بقى المثادير تكفى فرديين او اكتر
1 -نص كيلو صدور مخليه
2 -3 فلفلات اخضر
3- ا قرن فلفل احمر حراااق مووووولع .. انا بصراحه اكتفيت بنصه بس
4- يصله كبيرة
5- ملح وفلفل وكارى وكركم
6- مكعب مرقه دجاج بيديها طعم يجنن
7- 3 معالق دقيق
8- مايه ( هنقول قد ايه لما ندخل فى الطريقه )
الطريقه بقى:
نغسل الفراخ ونقطعها حتت متوسطه ونقطع البلصل شرايح ونفصصهم من بعض لحد ما يتفرطوا
ونجيب الفلفل ونقطعه شرايح برضو.
نحمر البصل فى الزيت زى ما بنعمل لحمه مفرومه كده بس ما نسيبهاش لحد ما تتحمر اووى يا دوب بس تبقى دهبى خفيف وبعدين نحط الفلفل الاخضر والحار
ونقلب لحد ما يدبل ونضيف الفراخ ونقلب برضو
ونضيف التوابل بقى( الكارى ونكتره على قد ما نقدر يعنى مثلا معلقتين اكل كبار ومعاهخم كركم عشان يدى نكهه اكتر والملح والفلفل الاسود والمكعب الدجاج) ونقلب لحد ما نحس انهم بدءوا ينزلوا مايه
نروح بقى نحضر كوبايه فيها مايه ونضيف عليها ال 3 معالق دقيق ونقلب ولما يدول الدقيق كويس
نضيفول للفراخ ونقلب هنلاقيه بيتقل بقى ويبقى تمام نغطيه ونوطى عليه ونسيبه نص ساعه لحد ما يستووى.
وممكن تقدموه مع رز ابيض او بشعريه او مع نودلز او باستا
بجد تجنننننن جربوها بقى ولو عجبتكوا قيمووا واسفه انى ما لحقتش اصوور
بس جبت اهو صوره من النت بصوا كده
يلا بقى قيموا مواضيع هذا القسم برعاية
doonty doonty فتكات متميزة Fatakat 317130 القاهره – مصر