صباح الخير بليل على احلى موزز فيكى يا مصر وطريقتى فى الفتة بسيطة وطعمها رائعة وبالله عليكم اللى يجرب يحن عليا ويبعت صورة
الفته عبارة عن عيش محمص ورز ابيض وصوص طماطم ولحمة وشوربتها
اولا : الرز
نبدا بالرز انا بحط فى حلة ملح وفلفل اسود وورق لورى وحبهان وحتة سمنة بلدى واقلب شوية على النار وبعدين احط الرز واقلب كويس لغاية ما تنشف اى ماية
وبعدين احط الشوربة السخنة
ودى طريقة الشوربة
شيف منمنم احلى بسلة تاكلها من ايديا باذن الله والمرقة الاصلية من الاجداد
https://fatakat.univanet.com/#5410159
ثانيا: العيش
بجيب عيش شامى وبلدى واقطعها بمقص المطبخ مربعات وارصها فى صينية وادخلها الفرن تتحمص
ثالثا:صوص الطماطم
فى طاسة بحط سمنة او زبدة وعلى النار تسخن وبعدين احط توم مبشور كتير انا بحب ابشر التوم فى المبشرة دى
لغاية ما تبقى دهبى
وبعدين احط خل
وبعدين احط عصير الطماطم وملح وفلفل وشطة واسيبها لغاية ما تتسبك وبعدين احط كم مغرفة شوربة
تحضير طبق التقديم
فى الطبق ارص العيش
ثم اضع شوية صوص طماطم ثم كم ملعقة شورة ورز قليل واقلبهم مع بعض
وبعدين احط كل الرز وفوقها اوزع باقى صوص الطماطم وبعدين اوزع اللحمة المتحمرة(انا حمرته فى زبدة او زيت وملح وفلفل) وتقدم بالف هنا والشفا
الدعوة
ربنا يصلح حالى
مواضيع هذا القسم برعاية
mnmnm mnmnm 229648_5.gif فتكات غالية قوي Fatakat 229648 القاهره – مصر