الطبق دة جميل اوي ياجماعة للي بيحبوا الزبادي في الاكل وسهل واكلة شامية معروفة
المقادير:
باذنجان صغير ولو كبير هقولك تعملي فيه ايه(تقطعي الباذنجان مكعبات متوسطة وتحمريها في الزيت عادي بس تعفريها بشوية دقيق عشان ميشربش زيت ويقرمش)
لحمة مفرومة معصجة
خبز شامي مقلي(ممكن نحمصه في الفرن بس نحط عليه حتة زبدة عشان نطعمه)
زبادي عليه شوية طحينة وفصين ثوم مهروسين وذرة ملح وعصير نص ليمونة
عصير طماطم مع بصل جوانح
ارز(الاكلة الرئيسية مفهاش ارز بس انا بعمله عشان الولاد يعرفوا ياكلوا)
اول حاجة هنجيب الباذنجان الصغنتوت دة نقشره ونشيل قلبه بالراحة ونقليه او بمعني تاني نشوحه بس في الزيت تشويحة بسيطة
ونطلعه علي مناديل تشرب الزيت
ونقلي الخبز الشامي
نجيب البصل نشوحه في الزيت وننزل عليه بعصير الطماطم المصفي مع ملح وفلفل وممكن نضيف عليه معلقة معجون طماطم عشان اللون ونسيبها تتسبك وقرب التسبيك النهائي نضيف الباذنجان يشرب مالطماطم ويكمل سوي
وبعدين نشيل الباذنجان بالراحة من الصلصة ونسيبه يهدي شوية ونحشيه باللحمة المفرومة المعصجة المبهرة بالقرفة والحبهان وورق اللورا البودرة وممكن نحط شوية عصاج كمان في الصلصة
ونكون جبنا الزبادي حطينا عليه شوية طحينة وذرة ملح وفصين ثوم مهروسين وعصير نص ليمونة
وعملنا الارز بالطريقة العادي بالشوربة او الماجي بس نشوحه الاول عشان يبقي مفرفر يعني مش مسلوق
وفي الاخر نشكل الطبق نحط الارز وعليه الخبز المقرمش الرائع وبعدين صلصة الطماطم واخيرا صلصة الزبادي وعلي الوش الباذنجان المحشي
ودة طبق صغنوووووووون لي عشان السعرات الحرارية الجباااااااااارة
طبق لذيذ اوي……………وبالهنا مواضيع هذا القسم برعاية
ام عمر12 ام عمر12 images/flowersavatars/avatar0025.jpg فتكات ست الكل Fatakat 168268 عيون اولادي – قلب زوجي