ثــــانى مشاركة ليا يا فتوكات فى قسم الطبخ
مش كل اكلة حلوة لازم نشتريها من برا علشان بيعملوها حلوة مش بحب اطبق النظرية دى يعنى معترفة ان الست فى بيتها تقدر تخلى اكلها احسن من احلى شيف فى العالم بمجرد انها بس تضيف لمسات بسيطة للتحضير
دلوقتى هقولكم طريقة تحضير فاهيتا الدجاج بالتوابل الإيطالية …
هنبتدى بالمقادير :-
1 كيلو صدور دجاج كاملة ومخلية من العظم
2 بصلة كبيرة
2 حبة فلفل أخضر رومى
ملح – فلفل أسود
1 ملعقة كبيرة زعتر – أوريجانو – ريحان جاف
1 ملعقة صغيرة فلفل أحمر حار – ثوم مجفف بودرة – بصل مجفف بودرة
رشة جوزة الطيب
½ كوب عصير ليمون
½ 1 كوب مايونيز
2 ملعقة صغيرة مستردة
4 ملاعق كبيرة كاتشاب باربكيو
نيجى بقا لطريقة التحضير :-
1- نمزج ½ كوب من المايونيز مع عصير الليمون والملح والفلفل والتوابل كلها معاً ثم تتبل بها صدور الدجاج وتترك منقوعة فيها لساعتين على الاقل .
2- فى مقلاة الجريل ساخنة قومى برفع صدور الدجاج من التتبيلة ثم تشوى على الجانبين حتى تنضج ل5-7 دقائق لكل جهة (حسب سمك الصدر )ثم ترفع وتغطى بورق فويل جيداص وتترك لترتاح ل10 دقائق ثم قومى بشوى شرائح البصل والفلفل الاخضر مع أضافة رشات من التتبيلة السابقة ثم ترفع وترص فى طبق التقديم .
3- نجهز الصوص بمزج باقى كمية المايونيز مع صوص الباربكيو والمستردة ثم نضيف رشة بسيطة من الزعتر وتقلب جيداً ثم نقطع صدور الدجاج المشوية لشرائح وترص فوق البصل والفلفل ثم ترش بصوص المايونيز والمستردة وقدميها ساخنة بجانب خبز التورتية.
وبألف هنا وشفااا يا فتوكات متنسونيش فى الدعاء والتقييم مواضيع هذا القسم برعاية
انا فتوكه صغنونة انا فتوكه صغنونة 936111_1.gif فتكات حبوبة Fatakat 936111 القاهرة – مصر