[center]االسلام عليكم ورحمة اللهم وبركاته
ازيكم اخواتي الفاضلات ,النهاردة حكلمكم عن موضوع مهم ويشغل بال كتير من الفتوكات الا وهو(داء القطط) وحبيت بموضوعي ده اصحح بعض الافكار الخاطئة عن هذا الداء.
اغلبية الناس تعتقد ان داء القطط يسبب اجهاضات متكررة للحمل والكلام ده غير صحيح ابدا.الحالة الوحيدة اللي ممكن يحصل فيها اجهاض او تشوهات جنينية هي لما الست الحامل تلتقط العدوى وهي حامل (وخصوصا في الشهور الاولى من الحمل)بمعنى ان العدوى قبل الحمل مبتعملش اي مشاكل لان الجسم يكون مناعة ضد الطفيلي المسبب لهذا الداء.
طيب ممكن اخت هنا تقول انا حصلي اجهاض متكرر وعملت تحليل دم لداء القطط والنتيجة كانت موجبة والدكتورة قالت لازم تاخدي علاج طول فترة الحمل الجاي عشان ميحصلش مشاكل للجنين,الكلام ده صحيح؟
الاجابة:تحليل الدم المذكور له نوعين IgMوIgGاتفقنا؟
اذا كانت نسبة الIgM عالية ده يعني ان العدوى حديثة وفيه خطر ان العدوى تنتقل للجنين لو كنتي حامل وهنا ضروري تاخدي علاج لمنع حصول الاجهاض او التشوهات,اما النوع التاني IgG فنسبته العالية دليل على حصول العدوى في الماضي والجسم كون مناعة ضد الطفيلي(يعني اصابة قديمة)ودي مفيش منها خطر على الحمل ومش محتاجة علاج.
اخيرا ازاي نقلل احتمال حصول العدوى؟نغسل الفواكه والخضار كويس,نبتعد عن ملامسة القطط اثناء الحمل,لبس قفازات مطاطية اثناء العمل في حديقة المنزل.
ارجو يكون الموضوع مفيد للجميع
والسلام عليكم ورحمة الله وبركاته
[/CENTER]
ابنائي حياتي ابنائي حياتي فتكات هايلة Fatakat 1097241 اربيل – العراق
سبحان الله و بحمده