امبارح بقى طقت فى دماغى اجيب ممبار لزوم رمضان بقى وكده واول مرة فى حياتى انضفة
بس كنت عايزة بقى احس انى ست بيت بقى بجيب الحاجات دى وكدة فجيبته وانا بقى راجعة مالشغل عديت خدته من الجزار ومشيت وانا بطوح الكيس ولا اللى جايب هدوم العيد … ويادوب غيرت هدومى واستعديت بقى للمهمة الممتعه واجارك الله يا اختى انتى وهيا يا ساااااااااااااااااااااااااااااتر قرف الدنيا والاخرة البتاع اللى عليه لازق ومش راضى يطلع لا بتكحيت ولا بالسلكة ولا باى حاجة
قلت طيب انقعة زى مابشوف كدة فى ملح وخل فضلت ناقعاه بتاع 3 ساعات كدة وجيت اعمله برضو مابيتعملش ….. قلت بقى لاااااااااااااااأ وحيات امك هتنضف يعنى هتنضف ويا انا يا انت الليلادى
رحت رمياه من غيظى فى الغسالة وعملتها على البرنامج القصير على درجة حرارة 80 … واستنيت بقى اما اشوف النتيجة … واستنيت واستنيت واستنيت زهقتو صح؟؟؟!!!
المهم جات لحظة الحقيقة وفتحت الغسالة ولقيته طلع والله زى الفل ابيييييييييييييييض ولا الغسيل فى زهوته ههههههههههه فرحت اوى وريحته تجنن ولا زفارة ولا يحزنون والله ما شاء الله زى الورد فرحتتتتتتتتتتتت موووووووووووووت وقولت لازم اشارككم تجربتى ..
واه على فكرة فى فتوكة دلوقتى تقولى وريحة الغسالة بقت زفرة ؟؟؟؟؟
والله الغسالة ولا اى حاجة بس زيادة تأكيد عملتلها دورة بالخل والماية على البرنامج القصير وعلى الغلية برضو وبعدها غسلت غسيل ابيض طلع جميل وريحته حلوة اوى ولا زفارة ولا غيرة …. بس انا مبسوطة اوىىىىىىىىىىىى يا جماعة الممبار بقى اخر همىخلاااااااااااص.
( دى اول مشاركة ليا معاكم اتمنى تعجبكم تجربتى يارب) مواضيع هذا القسم برعاية
namosa_zee namosa_zee 359020_2.gif فتكات حبوبة Fatakat 359020 tour sinai – egypt