بسم الله الرحمن الرحيم
ازيكو ياقمرات
جايبالكو النهارده غدانا من كام يوم
وكان جاااااااامد اخر حاجه
الا وهو
ممبار ايوه ممبار وفشة محمرة
بصو طبعا الممبار جايلى متنضف جدا جدا
ومش محتاج غير الحشو والاكل
ههههههههههه
وطبعا ماقصرناش
انا حشيته بخلطتى المعتمده للمحشى
بصل يادوب ادبله فزيت زيتون وعليهم عصير الطماطم
واسيبها تتسبك
واتبلها بملح وفلفل وكمون وجنزبيل بودر وكسبرة بودر
واكون مجهزة الرز مغسول
وخضرة متقطعه
وفلفل اخضر متقطع نونو اوى اوى
وزيه طماطماية بردو نونو
واضيف ده كله عالصلصة واطفى النار
واقلبهم
وكدا الخلطة تكون جاهزة
للاسف الصورة اتمسحت اهىء اهىء
نقطع الممبار على حسب المقاس اللى نحبه
ونبدأ نحشيه بالحشوة بتاعتنا
بس ناخد بالنا لانه بيكش جامد اوى اوى
فمش نملاهه كتير
يعنى بالشكل ده
واحنا بنحشى نكون مجهزين حلة فيها
مياة وبصلة وورق لورى وفصين حبهان
يغلو
انزل قطع الممبار بالراحه من ناحيه واحنا ماسكين الناحية التانية
لانه مجرد ماينزل فالشوربة
بيقفل لوحده
وهكذا واحده واحده لحد منخلص الكمية
ونسيبه يستوى براحته
بياخد تقريبا ساعة الا ربع
وبنختبره بالشوكة
وبعد مايستوى ننشله من الشربه
ونصفيه كويس
وبعدين نحمره
ومعاه كمان فشه
انا لازم اغليها الاول غلوتين عالنار
وبعدين اصفيها واشطفها كويس
واكون مجهزة مياه مغليه فيها ورق لورى وحبهان وقرنفل ريحته روووووووووعه
وبصله
وانزل فيها الفشة
واسيبها تستوى
واتبلها بملح وفلفل
وبعدين اطلعها واحمرها
وده شكلها
انا ماليش فيها بس حبيبى بيموت فيه
ها ايه رأيكو بقى فالغدا
وكنت عملت معاه شوربة لسان عصفور
على فكرة دى اول مره اعمله لوحدى لانى فالغربة لوحدى
وكنت باكلها جاهزة ههههههه
بس اتحطيت فالموقف وعدى على الف خير
الحمد لله
وبالشوربة الباقيه من تسوية الممبار
حطيت شوية لسان عصوفر عليها
بس طلع اكتر من رااااااااااائع
وده طبق كرشة بالحمص كنت عاملاه قبل كده
يلا مايغلاش عليكو
واهو كله من المشتقات ههههههههههه
ودى معلقة لى لى بنتى كانت بتنقى الحمص بس
هههههههههههههه
وده كان طبق الحلو
سويسرول بالكريمة رهييييييييييييب وسهل جدا
ودى كانت طريقتى فعمل السويسرول
https://fatakat.univanet.com/#2161292اسهل واسرع سويسرول ممكن تعمليه والنتيجه هايله
ودى صورة تانية
يارب يعجبكو الموضوع
ولا تنسونا من صالح دعاؤكو
مواضيع هذا القسم برعاية
miro hani miro hani سوبر فتكات Fatakat 46101 DUBIE – UAE