السلام عليكم احبتي
فاكرين كفته الشوفان بتاعتي وفاكرين اني شيلت منها شويه في الفريزر دي شكلها بعد التحمير وكنت قدمتها المره اللي فاتت مع المكرونه
وده رابط الموضوع
https://fatakat.univanet.com/#4172678
ندخل بقي في غدانا النهارده
ده بازنجان نبشره بالمبشره ونقطع بصله حلوه
ونروح ع النار ونضيف قطعتين من كفته الشوفان مقطعاهم ومعلقتين زيت ونار عالييه ونقلب
ونضيف طمطمايه مقطعه دي ع فكره مجمده انا بحفظها حب زي ما هي في الفريزر اطلعها تهدي شويه واقطعها وهي لسه مرمله بالتلج
وفي الاخر بضيف معلقه توم مفرومه واسيبها خمس دقايق تتسبك مع بعضها
زووووووم
دلوقتي قوارب البازنجان انا كان عندي بازنجان رومي صغير نزلته في زيت سخن زي ما هو مقفول عشان مايشربش زيت ولما طلع فتحته بطرف السكينه وحشيته (كفته شوفان برضوا هرستها ومعلقه صلصه ) وجاهز ندخله الفرن
وده بعد ما طلع
كمان
انا عملت ملوخيه ناشفه بس هي فيها سر
ايه بقي السر في الخضار ده طبعا ناس بتحط سلق بس انا عندي رجله اكيد لاحظتوها مزوقه بيها الاطباق اللي فاتت دي بفرمها ناعم واحطها مع الملوخيه دي طريقه تيته ام والدتي ربنا يرحمهم ع فكره الرجله غنيه بالاوميجا3 والشوفان كمان يعني اكلنا كله اوميجا النهارده
وده كان غدانا بس عندي بنوته لو ما كلتش رز كل يوم تبقي ما اكلتش تفضل طول اليوم جعانه ههه وعلي ايه رحت عملتلها طبق رز هندي ع السريع بس مع قطع من كفته الشوفان برضوا نقطع الكفته مع بصله مفرومه ومعلقه سمنه ع النار ونقلب شويه وبعدين ننزل بكوب رز هندي ونحطلهم 2 كوب ما ء وظبطي توابل وملح عاوزه دعوه حلوه واي سؤال انا في الخدمه
بحبكم في الله واسالكم الدعاء مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله