.. الســلام عليكم ورحمة الله وبركاته ..
صباحكم / مسآؤكم صحة ورشآقة .. ^^
الموضوع ده اهداء لكل الفتوكات اللي انا باستفاد منهم ع طول
ربي يجازيهم كل الخير
وللقمرات رفيقات الدرب بجروبي الحبيب
https://fatakat.univanet.com/#2827278
.. كام أكلة كده خفيفة / مغذية / مشبعة
نبدأ سوا
طريقته
بتحطي مقدار رز وتنقعيه وتصفيه كوويس اوي من النشا
بعدين تحطي عليه مقدرا العدس وتزودي ماية اقل من ماية الرز
وتحطي معلقة واحدة زيت وشوية ملح صغنين وفلفل اسوود
وعالنار لغاية اما يشرب مايته وبعدين توطي خآلص وتسيبيه يستوي ..
معاه بقى تعملي
بيض مسلوق > مش محتاج طريقة
وسلطة خضرا بس مش باحط لها ملح باحاول اقلل الملح على قد ما أقدر
بس لمون وخل وكمون
وهانعمل بديل عن البطاطس المحمرة واللي هوا
كفتة البطاطس
هاتسلقي مقدار بطاطس ،
بعدين تحطي فالكبة الخضار فلفل اخضر وبقدونس وشبت
وتحطي عليهم البطاطس والبهارات
كمون وكــزبرة ناشفة وفلفل اسود
وتضربيهم كوويس
بعدين تضيفي بقسماط لغاية اما تمسك نفسها كويس
هاتجيبي صينية من غير سور ، بعدين ترشيها زيت
وترصي اقراص البطاطس وبفرشة تدهنيها من فوق زيت بسيط جدا جدا
وحطيها تحت الشواية تاخد لون وتنشف
وبصحة وعاافية
طيب لو عاوزين نوع مقبلات خفيف ، تاخديه كسناك
او فالفطار مع كوباية نسكافيه تمام
وينفع كمان فالعشا
لا والاجمل من كده مش بس للي عاملين دايت
ده هايعجب اى حد عندك فالبيت
= مقرمشآت صحية =
شبه الصن بايتس بالظبط فالطعم
عيش اسمر .. بتقصيه الاشكال اللي عاوزاها
فطبق صغنن تخلطي معلقة صغيرة زيت زيتون + معلقة زعتر + معلقة توم باودر
بعدين تكبيه عالعيش اللي قصصتيه وتخلطيه كوويس
بتفرديه على فويل ع صاج الفرن
وتخليه لغاية اما يننشف
يتقدم معاه غموس اى حاجة
الكاتشب ده مش للي عاملين دايت طبعا >> كان لزوجي
ممكن زبادي لايت ، او مايونيز لايت يبقى تمااام
وبألف هنا وشفا
لو عاوزة تحلي بقى ،، واكيد حاجة خفيفة
ومغذييية
تابعيني الرد الجاى
مواضيع هذا القسم برعاية
Muslima Wife Muslima Wife 84811_20.gif فتكات غالية قوي Fatakat 84811 فقط مع من أحبوني ! – مملكتي الخاصة