السلام عليكم ورحمة الله وبركاته
بعد ما اغلق نفس الموضوع بسبب ناس معندهاش احساس بالباحثين عن الانجاب قررت اعيده وبدون رد علي اي رد مستفز او كلام علشان افيد غيري من الازيي وخاصة بعد رسائل السب الا وصلتني والدعاء الا معرفش سببها لمجرد اني حكيت بكل صدق وامانه أقسم برب العزة وربنا يقتص من كل ظالم بإذن الله
انا جايه احكيلكم عن تجربتي الا لازم تقراوها لاخرها في عيادة الدكتور عادل فاروق البيجاوي
وياريت الادارة تثبت الموضوع زيي ما ثبتوا الموضوع الاول ليه الا كله شكر عليه مع إحترامي لكل الاراء هقولكم الاول علي النتيجة قبل التجربة الا مريت بيه لان يمكن يكون منكم معندوش وقت يقرأ
المهم الا طلعت منه ان كل تشخيص الحالات واحدة وهي تكيس ونفس الروشتة الا مطبوعة واحدة وغير كده ديه عيادة استثمارية اهم من انها عيادة طبية ياعني لو عاملة تحاليل في البرج يقولك مبتعتفرش بيها بنعترف بالمختبر ولا جايبة تحاليل من المختبر مش بيعترف بيها ولازم تعملي تحاليل في المعمل الا عنده مع العلم ان التحاليل ديه ليها مواعيد معينه لو فيه دكتوره تحاليل معانا في المنتدي او دكتورة نسا تقولكم لازم تكون من اليوم التاني للخامس للبيريود واخر في اليوم 21 من البيريود بس هو ميهمهوش غير ياخد تمن التحليل مضعف ولو جوزك معاكي لازم يعمل هو كمان تحليل دم مش عارفه ليه المهم لازم تبقي عاملة حسابك لو رايحه لوحدك انك يبقي في جيبك لا يقل عن 800جنيه اما لو جوزك معاكي يبقي في جيبك مالايقل عن 1500 ده لو انتي من القاهرة خارجها بقي يبقي معاكي مبلغ احتياطي
طبعا كان جوزي عايزني اروح لدكتور كبير بردوك في الدقي أو اخر في المعادي بس طبعا مش هذكر اسمه علشان محدش يقول اني بروج لهذا علي حساب ذاك انا بقول رايي بأمانة الله لكن لما قريت كلامكم عنه خلتوني اتوجهه ليه
بداية التــــــــــــــــــــــــــــــــــــجـــــــربـ ـــــــــــــــة الا إن شاء الله عمري ما هكررها تاني ابدا عنده
الاول طبعا زيي اي واحدة بتدور علي افضل دكتور تتابع معه علشان تعرف سبب تاخر الانجاب مع العلم اني معايا بنت عندها 3 سنين ولما لاقيت الموضوع الا فيه شكر ليه علي المنتدي وناس كتير بتدعيله غير ان ناس جيران كانوا كمان متبعين معه والحق يقال انه جاب معهم نتيجة وبفضل الله وعلاجه ربنا رزقهم ببنوته
المهم بتبدا خطوات اول زيارة بأنك لازم يروح حد يكتب اسمك في الورقة الا متعلقة علي الباب من الساعة 6 ونص الصبح قبل ما يقفلوا العيادة جوزي راح سجلي اسمي الساعة 8ونص وكنت رقم 9 ولما اتصلت قبل ما اروح اعرف ميعادي امتي قالي هتعرض علي الدكتور المساعد الساعة 9 ونص مساء وهدخل عند دكتور عادل بعد الساعة 2 صباحا ياعني قبل الفجر
المهم رحت ودفعت الفيزيتا الا هي 150 جنيه وكتبلي ميعاد الدخول وانتظرت في الصالة الكبيرة الا مفيهاش هواء من الناس الكتير الا منتظرين وكان معايا والدتي وبنتي وشفنا حالات كتير واتكلمنا مع ناس اكتر
المهم جه دورنا عن الدكتور المساعد الا اعيد مغرور في نفسه وفاصل شحن اخد تاريخي من اول حمل واجهاضي فيه لغايه ما ولدت بنتي وقصتي مع العلاج للانجاب مرة تانيه ووريته اشاعات متابعة التبويض والتحاليل الا عملها في البرج الا مقتنعش بيها وطلب اني اعملها تاني في حين ان ليها مواعيد محددة ياعني في تحاليل بتتعمل تاني يوم البيريود وفيه تحاليل بتتعمل اليوم 21 من البيريود ولما قلتله انها مش ميعادها لاني في اليوم السابع من البيريود قالي احنا لينا حسباتنا قلتله بس انا عملها قالي مبقتنعش بتحاليل البرج في الهرمونات المختبر افضل واعمليها عندنا هنا وبالفعل كتبلي التحاليل ورحت علي التربيزة الا قصاده الا فيه مندوب المعمل الا تابع ليهم واخد مني 270 جنيه فلوس التحاليل رغم انها في الخارج ارخص من كده في البرج او المختبر المهم النتيجة هتطلع بعد ساعتين نزلنا اتعشينا واستريحنا تحت لاننا تعبنا من الزحمة الا فوق وكمان لان كل كشف اول مرة بياخد بعديه حالتين او اربعة متابعة فلسه ادامنا بدري لاقيت العيادة بترنلي الساعة 2 علشان اطلع علشان دوري قرب عند الدكتور المساعد التاني الا استلم تحاليلي وقالي اني عندي تكيسات علي المبيض واني لازم اخس واني هاخد روشتة فيها العلاج بعد ما خرج من عند دكتور عادل انتظرنا ساعة كمان بغلاسة السكرترية وقلة زوقهم وبعدين دخلونا علي غرفة المقابلات مع دكتور عادل وانتظرنه نص ساعة كمان علي ما تشرف وجه يقابلنا وهو مكشر اووي وبيتابع الفيلم الا علي التليفزيون ويكلمنا في نفس الوقت وقلتله اني كنت قبل بنتي اجهضت مرتين بسبب فيرس cmv iggقالي مين قالك ان ده سبب للاجهاض ده موضوع اتعرف من 20 سنه انه مش سبب للاجهاض ابدا انتي كان عندك تكيسات بس بسيطة وهي سبب الاجهاض علشان كده حملك التالت نجح ممكن تكون النسبة قلت وقتها بعدها خرج وقالنا انتظروا علشان ندخل حجرة الكشف انتظرنا حوالي ربع ساعة كمان وبعدين دخلت عملت سونار مهبلي الا قالي فيه شايف التكيسات هي ديه السبب ازاي محدش شافها ولا قالك قبل كده انك عندك تكيسات ديه واضحة جدا والصراحة اسلوبة مكنش زيي ما تخيلت من دكتور كبير سمعت عنه كلام حلو كتير لاقيته دكتور بيكلم بلغة الفهلوة مش الدكاترة وكمان مدنيش صورة للسونار مع العلم اني كنت بعمل متابعة تبويض الفتة الا فاتت في مركز كبير والدكتور مقليش ابدا ان فيها اي تكيسات والدكتور الاولاني الا كنتا متابعة معه استاذ كبير بردوك ومفيش اي حاجة ظهرت في الاشعة ولا التحاليل
المهم خرجنا وروحنا للسكرترية الا قالي اتصل بيه اول يوم البيريود علشان يحددلي يوم عمل اشعة بالصبغة في مركز بردوك تبعهم وطلب مني اروح علي غرفة الصيدليه علشان شرح العلاج واشتري منهم الا بردوك بيتباع مضعف بس انا اكتفيت بشرح العلاج وقلتله اني مش هشتري العلاج لاني فلوس خلصت علي الكشف والتحاليل المهم تفضل مشكور مندوب صيدلية علي ايمدج بشرح العلاج وادني ورقة فيها انظمة رجيم وروشته امشي عليها لمدة شهرين علاج للتكيسات وروشتة منشطات اخدها بعد دورتين لو البيريود جات لو مجتش خالص وخلصنا الزيارة الساعة 4 صباحا تقريبا وكان ورانا كم من الناس الا منتظرين الامل والا جايين من بلاد بعيدة والا خلصوا وبيتين لغاية النهار ما يطلع علشان مسافرين بلد
للعلم الصيدلية بتبيع الدواء اكثر من ضعف تمنه باي صيدلية بالخارج ياعني واحدة اشتريت الحقنة التفجيرية الا ب33 جنيه بي 75 جنيه
المهم نيجي بقي للدوا والا خلني تاني يوم الف علي معامل التحليل ومركز للاشعة علشان اتاكد من الكلام
الاول دكترو التحاليل قالي ان النتيجة مفيهاش اي حاجة ولا تكيسات ولا غيره قلتله ازاي ده قالولي عليها من قبل ما عمل الاشعة قالي تحاليلك كلها نورمال سواء الا في البرج او حتي الا عملولهالك في غير ميعاده وده دليل علي انه مفيش اي حاجة وكمان كتبلي دواء للبن وانا هرمون اللبن نورمال وكمان دواء للغدة الدرقية في حين ان بردوك تحليلها نورمال لكن الروشتة المطبوعة للجميع بنفس الدواء والجرعات
ولما رحت لدكتور الاشعة قالي الاشعة دية مينفعش اعملهالك دلوقتي اعملهالك ايام التبويض لاني مفيش حاجه هتبقي ظاهرة اوووي دلوقتي يبقي هضحك عليكي ولما وريته التحاليل قالي التحاليل كلها طبيعيه مفيهاش حاجه الا مظبوط فيها بس السدوفاج الا هو يفيدك مش هيضرك لو مش هيفيدك لكن باقي الادوية هتلعب في هرموناتك هتخليكي مريضة بجد
أنا كده خلصت كلامي
بس علشان مكنش ظلمت هكتب نتيجة التحاليل الا عملتها في البرج وعندهم ورجاء من الادراة توجية دكتورة نسا او تحاليل علشان تفيدنا اكتر وارجو تثبيت الموضوع لاستفادة للجميع لان بجد انا مليش اي مصلحة غير اني انقل تجربتي الا مريت بيها علشان تستفادوا منها
والدي دكتور باطنة واطفال واستغرب لما لاقي دواء الغدة بس قالي يمكن ليه وجهه نظر فانه يحرقلك الاكل بسرعة بس جوانبه السلبية عليكي لانك معندكيش غدة دراقية الحمدلله هتتعبك بس مقدرش اقولك حاجه غير لما تعملي الاشعة ودكتور متخصص نسا يفيدك اكتر لان والدي بيحب التخصص
نتائج تحاليلي في معمل البرج في المواعيد المظبوطة لها
progesterone 9.2 ng/ml
prolactin 17.5 ng/ml
f.s.h 7.3 mlu/ml
l.h 2.6 mlu/ml
نتائج تحليل عيادة دكتور عادل فاروق البيجاوي
T.S.H 1.990 ulu/ml
prolactin 12.0 mlu/ml
F.S.H 7.2 mlu/ml
L.H 6.2 mlu/ml
نانو1984 نانو1984 سوبر فتكات Fatakat 193787 القاهره – مصر
انتي شكلك كدا تعبانه فعلا