ازيكو يا بنات
عاملين ايه
النهارده انا عملالكو وصفه فوق الظريفه تحت اللطيفه هههههههههههه للحمه المسلوقه البايته
ودى اولا كده صوره تشجيعيه تجويعيه كعادتى
بصو يا بنات
احنا طبعا ساعات بنسلق اللحمه وناكلها اول يوم وكله تمام بس تانى يوم بقى نفضل نلف وندور حوالين نفسنا عشان نهرب منها صح
انا بقى ظبطها تظبيت لطيف كده بحيث اقدر اتقبلها لانى انا مس باكل الاكل البايت اطلاقا
اولا هندخل ع المقادير
1- بصلايه مفرومه
2- نص معلقه توم ومعلقه صلصه
3- فلفل اخضر حراق او مش حراق حسب اذواقكم يعنى
5- بهارات ملح وفلفل اسمر وقرفه
الطريقه بقى
انا جيبت اللحمه المسلوقه البايته بتاعتى وقطعتها شرايح بالسكينه
اهه
وبعدين هتجيبى طاسه محتاسه وتحطى نص معلقه سمنه او زيت
وبعدين تحطى اليصلايه لحد ما تصفر بس اوعى تحمر ولا تسود منك هههههههههه
وبعد ما تصفر
نحط اللحمه تتشوح تشوحتين سبع تشويحات
وبعدين ضيفت التوم اللى فرمته اهو
وبعدين قلبى تقلبتين
وبعدين ضيفى معلقه صلصه طماطم هتخلى الطعم جميل اوى
وقلبى بقى دقيقتين كده هتبقى بالشكل ده
وبعدين ضيفت التوابل والفلفل اللى قطعته فى اخر 3 دقايق بس
عشان مش عيزاه يتهرى وعايزاه يكون باين فى اللحمه وهيدى طعم وشكل جميل اوى
وهنا بعد ما دبل شويه
وكده هى خلصت وانا طفيت عليها الحكايه دى يا جماعه مش بتاخد غير ربع ساعه ع البتوجاز مش اكتر خالص
وده شكلها بعد ما خلصت
ودى كمان وانا اكلتها بعيش
كانت تحفه والله
جربوها مش هتندموا باذن الله
يارب الاكله تعجبكم
والتقييم ياريت لو عجبتكم
اترككم فى رعايه الله
فى خناقه تحت بيتنا نار نار نار
هروح اشجع بقى
قصدى هروح اسلك
يارب قدرنى واقدر اهدى النفوس
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر