ازيكو يا فتوكاتى
امبارح عملت صنيه مكرونه بالباشميل بس بدل اللحمه كبده فراخ
وكانت جميله ندخل فى التفاصيل
المقادير
مكرونه – كبده فراخ مقطعه – صلصه – بصل وثوم مفرومين ناعم – طماطم مبشوره – فلفل اخضر مقطع مكعبات صغيره – ملح – فلفل اسود – كمون
مقادير البشاميل : 2 كوب لبن – 4 معالق دقيق – ومعلقتين سمنه – ملح وفلفل اسود
اول حاجه عملت الكبده
ضفت معلقتين سمنه وحطيت عليها الكبده
وقلب فيها شويه وبعدين ضفت البصل والثوم والفلفل الاخضر والطماطم المعصوره وقلبتهم كويس وسبتهم يستوو
وبعد كده سلقت المكرونه انا عملت كيس ونص فى ميه بملح وشويه زيت
وبعد كده عملت البشاميل
حمرت 4معالق دقيق فى السمنه وبعدين حطيت اللبن بالتدريج وقلبتهم وكده جاهز
وبعد ما الكبده استوت حطيت معلقتين صلصه على نص كبايه ميه فى حله وحطيت عليهم الكبده
وحطيت عليهم المكرونه بعد ما سلقتها وقلبتهم فى بعض كويس
وجبت صنيه ودهنتها بسمنه وحطيت شويه بشاميل
وحطيت المكرونه
وحطيت عليها طبقه البشاميل وعليها معلقتين سمنه وملح وفلفل اسود
وندخلها الفرن وده بعد ما خرجت
وده بعد ما قطعتها طبعا وهى سخنه
وده من قريب للتعذيب بردو
بجد كان طعمها رائع
جربوها وان شاء الله هتعجبكم
تحياتى يا قمرات
مواضيع هذا القسم برعاية
yasmina2017 yasmina2017 70642_46.gif فتكات ست الكل Fatakat 70642 قلب كل الى بيحبونى – الزقازيق – الشرقيه – مصر ام الدنيا يا جدعااااااااااااااااااان
سبحان الله و بحمده