السلام عليكم يا احلى فتوكات
ان شاء الله تكونو جميعا بخير وصحة وسعادة
موضوعى دة ماهو الا خدمه لوجه الله تعالى
اينعم انا مش دكتورة لكن عندى الخبرة الكافيه انى اقدر افيد الفتوكات الحوامل من قبل الحمل لحد الولادة فى اى سؤال تحبى تسألى فيه
تأكلى ايه وما تاكليش ايه
تشربي ايه وايه اللى ما تشربيهوش
تعملى ايه وما تعمليش ايه
من الاخر هقولك على المتاح والممنوع عن الحوامل
وحتى اللى حامل وعندها بيبى لسه مولود او صغير لحد سن سنتين
وعندك اى سؤال بخصوص البيبى
بردو هفيدك ان شاء الله تعالى
اكل البيبى – لبسه – مستلزمات البيبى من اول يوم ولادة – اى اعراض غريبه ظاهرة على البيبى مثلا بيزن كتير – بيعيط – عنده التهابات من البامبرز – عنده انتفاخات- يقعد امتى – يأكل امتى – ياكل ايه وما ياكلش ايه – التسنين واعراضه – ازاى تحمى البيبى – ازاى تلبسيه الكادليز – وازاى تواجهى كل دة وانتى ام جديدة
طبعا دة كله من خبرتى كأم وسؤالى للقمرات الاكبر منى خبرة وسناً وحاجات جربتها وفعلا لقيتها مفيدة ومن قرأتى لمقالات عن الامومه والطفوله
مانا مش من يوم وليله بقيت خبرة
كنت فى يوم من الايام زيكم كدة ومحتاسه بردو لحد ما ربنا بعتلى اللى ينقذنى من الورطه دى وربنا يجعله فى ميزان حسناتهم يارب
يلا يا قمرات انا فى انتظار اسئلتكم وان شاء الله اجاوبك اجابات شامله مفيدة ليكى ولحملك ولطفلك لو عندك اطفال
اى سؤال تحتارى فيه اسألى وان شاء الله اقدر افيدك
وربنا يقوم كل الحوامل بألف سلامه ويرزقهم بالاطفال السليمه المعافاه
ويارب يرزق كل مشتاقه بالحمل السليم المعافى اللى يقر اعينهم اللهم آمين
وزن وطول الجنين (موضوع مفيد لكل الحوامل)
تطورات الجنين من الشهر الاول الى التاسع (موضوع مفيد لكل الحوامل)
سمسمه أم جودى سمسمه أم جودى 381475_33.gif فتكات ست الكل Fatakat 381475 الدوحه – قطر