المقادير:
دقيق – ماء دافىء
الطريقة :
1- ضعى الدقيق الكميةاللى انت عايزاها فى طبق العجن
2- رشرشيه بالمية الدافية حبة حبة
3- يفرك باطراف الاصابع لغاية ما تحسى ان الدقيق بقى مفرفر شوية
4- حطى الدقيق فى الكبة بتاعة الخلاط او الجزء بتاع طحن التوابل المتوفر عندك
5- بعد ما تضربيه حطيه فى المنخل السلك وانخليه علشان ينزل الدقيق الناعم
6- هايفضل فى المنخل الدقيق المخرز وهو ده الكسكسى
7-جهزى قماشة ويفضل تكون شاش او اى قماشة خفيفة نضيفة وافرديها
8-حطىالكسكسى على القماشة
9-كررى العملية من 1لحد8 فى الدقيق الناعم اللى فضل حتى تنتهى من الكمية
10 حطى حلة على النار وفى نصفها ميه وحطى عليها مصفاة المونيوم مقاس الحلة
يعنى كانها حلة بخار وحطى القماشة اللى فيها الكسكسى في المصفاة وفى حلة للكسكسى
موجودة فى الاسواق تحفة ومقاسات من كيلو لحد حلة تاخد 5 ك
11- غطي الكسكسى بباقى القماشة وحطى غطا محكم عليه
12- بعد حوالى نص ساعة اكشفى على الكسكى وقلبيه ورشى عليه ميه ببخاخ زى بتاع الجلانس
وتسيبيه يستوى وكل شوية تكرى عملية الرش لحد الكسكسى ما يستوى
تعرفيه انه استوى هاتلاحظى ان الكسكسى لونه بقى مايل للاصفر وتدوقيه هتلاقي طعمه مش طعم العجين
اخر مرحلة بعد ما يستوى حطيه فى طبق غويط وحطى مقدار الذبدة اللى تحبيها واضربيه تانى فى الكبة علشن يبقى مفلفل والزبدة تتوزع فيه
ممكن تاكليه بالهنا والشفا بالسكر او بالخضار
لو عملتى كميه كبيرة حطيها فى اكياس على حسب الاكل وعلى الفريزر بس طبعا بعد ما يبرد
معلش طولت عليكم لكن صدقونى جربوه وهايعجبكم قوى ولو فيه اى استفسار انا تحت امركم مواضيع هذا القسم برعاية
hoidan hoidan 195802_2.gif فتكات رائعة Fatakat 195802 القاهرة – مصر