بوفتيك اللحمه المفرومه
اكله سهله وسريعه وطعمها ماشاء الله لذيذ وكمان موفره وهتبهرك اووى فى اى عزومه ان شاء الله
ندخل على الشكل النهائى
-لحمه مفرومه
-ملح وفلفل ورشه قرفه وبابريكا ورشه بقدونس
-بصل مبشور من غير ميته
وتخلطيهم مع بعض كويس
ــــــــــــــــــــــــــــــــــــــــــــــــــ ـــــــــــــــــــــــ
مقادير الغلاف الخارجى
بقسماط+2م ك دقيق+بيض
ملح وفلفل وبابريكا
وبعدين تقسمى اللحمه لكور صغيره
#ملحوظه
الكور اللحمه تبقى صغيره لانك لما تفرديها هتتفرد معاكى تمام كده
وتجيبى طبق فيه بقسماط ومعلقتين دقيق وتتبليه بملح وفلفل وبابريكا وتحطى فيه كوره لحمه وتغلفيه كلها كويس اوووووووووى
وعلى cutting board او صينيه واسعه تحطى بقسماط تانى وعليه كوره اللحمه المتغلفه بالقسماط
اعتقد واضح من الصوره
وبشاكوش اللحمه تبتدى تدقى على كوره اللحمه دى براحه على الناحيتين لغايه ماتتفرد معاكى بسمك كويس
علشان تعرفى تتحكمى فيها لما تيجى تقليها
وبعدين تحطيها فى بيض علي ملح ورشه فلفل
وبعدين فى البقسماط المخلوط بالدقيق والمتبل تااانى وتقليها فى زيت غزير سخن وبعدين تهدى النار تبقى متوسطه واللحمه كده كده هتستوى بسرعه
وده شكلها النهائى بجد ماشاء الله طعمها يجننن اتمنى تجروبها وتعجبكم
ولو عجبتكم مش عايزه غير دعوه حلوه بظهر الغيب ان ربنا يقر عينى بما اتمنى ويبعد عنى وعن اهلى اى حزن او ضرر ويريح قلبى ويسعدنى
فى رعايه الله يافتوكات مواضيع هذا القسم برعاية
angelsmile2311 angelsmile2311 963758_5.gif فتكات رائعة Fatakat 963758 my home – egypt