وانا فاعدة كدة وكنت جعانة قلت اما اقوم اعك شوية كدة فى المطبخ
رحت يا ولاد بصيت فى التلاجة لقيت نسيرة فرخة مسلوقة ياعينى يتيمة غلبانة مرمية لوحدها وشوربة خضار اللى انا باكرهها
قلت يا بت ماتعملى مكرونة
قمت جايبة كام فص توم حلوين كدة وقطعتهم وفى شوية زبدة على زيت وقمت محمراهم بسيط وقطعت عليهم فلفلاية خضرا صغننة وسبتهم حبة على ما قطعت نسيرة الفرخة دى حتت صغننة كدة بس مش اوى وخطيتها عليهم وسبتهم حبة على ماجبت شوربة الخضار دى وصفيت الخضار لوحده و قمت نازلة بالخضار ده هم اساسا كانوا معلقتين خضار يعنى مش كتير
بس وسيبتهم بقى ياخدوا طعم بعض ورحت اقطع طماطماية كبيرة شوية وشوية خضرة يعنى بقدونس او كسبرة بس البقدونس بيبقى احلى بس وقمت حاطة الطماطم فى الاخر مع الخضرة وطبعا مش بتتساب كتير عشان الطماطم ماتدبلش اوى يادوبك بس نستنى لحد ما الخضرة تدبل حاجة بسيطة فى الاخر خالص قبل ما اطفى بثانية حطيت ملح وفلفل وزعتر وبهارات ومعلقة خل وطفيت
كل دا طبعا المكرونة كانت بتتسلق
صفيتها وخطيت عليها الخلطة دى ونزلت عليها هم هم هم هم طلعت جميييللللللةةة جدا
شفتوا بقى كل دا بنسيرة فرخة ومعلقتين خضار وطبعا ممكن نستغنى عن الخضار دا
يلا ابقوا جربوها وقولولى مواضيع هذا القسم برعاية
sarsora l amora l katkota sarsora l amora l katkota images/bigsmilies/mood6.gif فتكات متميزة Fatakat 346411 cairo – egypt
سبحان الله و بحمده