ازيكم يا احلى فتوكااااات في احلى مدونة
انا امبارح كنت محتارة اطبخ ايه وطبعا كل الفتوكات زيي
كلنا بنحتار نطبخ ايه كل يوم .. وانا بصراحة كنت كسلانة خالص
فا اختارت حاجة سريعة وسهلة ولذيذة وكلنا بنحبها قوى ومفيدة جدا
عملت كبدة بس بصراحة لذيذة قوى واقولكم الطريقة
جيبت الكبدة و قطعتها شرائح بالطول او زي اى فتوكة ماتحب
و جيبت فلفل اخضر وفلفل حراق او زي ما نحب وقطعته برضه شرائح بالطول
وكام فص ثوم حسب ماتحبي الثوم كتير او قليل
ونحضر المقلاة ونضع فيها شوية زيت ونضع الثوم وعليه الفلفل
ويادوب يدبل كده نضع عليهم الكبدة بعد غسلها ونقلبهم ونهدي النار لان الكبدة مش عايزة النار العالية
وطبعا نضع الملح والفلفل الاسود انا حطيت دول بس الى يحب يزود بهارات يزود
لغاية ما تستوى وده شكلها
و عملت معاها ارز وقدمت معاها شيبسي ومخلل
وعملت الحلو ارز باللبن
جيبت الرز الكمية الى تحبيها وغسلته كويس وحطيته على النار وعليه اللبن
وحليته بالسكر و حطيت معاه شوية زبيب وجوز الهند ونصف ملعقة صغيرة قرفة وكيس فانيليا
وسيبته يقلب على النار لحد مايستوي وخالوا بالكم عشان اللبن ما يطف
لغاية ماالارز يستوي وشرب اللبن طبعا لانى ماحطيتش نشا عليه وحطيته
فى صينية و حمرتها من تحت الاول من على البوتجاز وبعد كده دخلتها الفرن لتحمير
الوجه وده الشكل بتاعها بعد ما طلعت من الفرن
وبكده ابقى خلصت كل حاجة وكل ده مااخدش منى ساعة فى المطبخ
اكلة جميلة وسهلة وعملت الحلو كمان … ايه رأيكم بقى ؟؟؟؟؟؟؟؟؟؟؟؟؟؟؟؟؟
عايزة الردود وكلامكم الحلو الى بيشجعني دايما وماتنسوش التقييم ثم التقييم ثم التقييم
احبكم فى الله
مواضيع هذا القسم برعاية
ملاك فى الارض ملاك فى الارض 195930_22.gif فتكات رائعة Fatakat 195930 دمياط – في بيتي