ازيكو يا احلى فتوكات عاملين ايه يارب كلكو تبقوا بالف خير
لما عملت العيش البلدى الاسمر جالى استفسارات كتير عن البلدى الابيض او الكبير فقلت لازم اعمله بالصور عشان خاطر عيونكوا وانا مببطلش اعمله من طعمه وجماله يلا تعالو نشوف بالصور طبعا كالعادة
المقادير
نصف كيلو دقيق ابيض (3 اكواب كبيرة)
اقل من ربع كيلو دقيق اسمر (كوب واحد)
معلقة كبيرة خميرة فورية
رشة ملح
ماء للعجن
الكمية دى بتعمل حوالى تسع او عشر ارغفة
طبعا بنحط الخميره في شويه ماء دافى ونسيبها ربع ساعه ونخلط الدقيق الابيض والاسمروالملح ونحط عليهم الخميره بالماء ونعجن كله معا
نبدا نقطع العجينه ونكورها كده
انا فرده دقيق اسمر تحتيها عشان مكنش عندى ردة
نسيبها كده نص ساعه ونبدا ناخدها ونفردها كده
ده قبل ما نحطه في الفرن نعمله على ايدينا كده ونحطه بعد ما نفرد كله وناخد اول واحد فردناه
ونحط بقه في الفرن تحت خالص من غير الرف
ونبص عليه بعد دقيقتين بالظبط او تلاته
نقلبه دقيقه عالناحيه التانيه ونطلعه بقه هيبقى بجد تحفه وكله ابب ويجنن
وده كله بعد ما خرج
يارب يعجبكوا كلكو ومستنيه رودودكم وتقيمكوااااااااااااااااااااااااااا واوعو تنسوا التقييم والرد والدعوة لو عجبكوا مواضيع هذا القسم برعاية
ميكى85 ميكى85 160583_1.gif سوبر فتكات Fatakat 160583 القاهرة – مصر