السلام عليكم ورحمة الله وبركاته
وحشتوني جداااا طبعااااا كنت عامله موضوع على االقشطه الفلاحي الاصليه وكل البنات طلبو مني عمل السمنه البلدي الاصليه مش من وش االلبن المغلي اللي ولا طعم ولا ريحه ولا حاجه خالص هي ممكن تتعمل بيها قرص أو فطير أو أي حاجه تانيه غير أنها تتاكل جنب مربي أو تتعمل سمنه مش حلوه الصراحه .
أدى موضوع القشطه ..
عملت القشطه الفلاحي الاصليه في البيت واللبن الرايب بالصور كمان احلي وانضف من الجاهز
https://fatakat.univanet.com/#5757149
الأول هنجيب 5 كيلو لبن وحله صاج أو أي حله عندك نسخن الفرن وبعدين نحط اللبن في الحله ونغطيها وندخلها الفرن ونطفي وسبيها يومين وبعد كدا خرجيها من الفرن دخليها التلاجه ساعتين
وبعد كدا شيلي القشطه اللي علي الوش
ماشاء شفتي القشطه جميله جدا
هي كتير ماشاء على شان تطلع معاكي تمام حطيهااا في كذا حاجه فى الاول بلاش حاجه واحده عشان طلع تعيني على ما فصلت القشطه
ويا سلام لو كان فخار يبقى ميه ميه
دي مرحلة القشطه
حطيها في التلاجه ساعه
مرحلة السمنه بقاااا هاتي حله تيفال أو برام فخااار وحطي القشطه وعليها معلقه ملح صغيره انا عملتها في الميكرويف بس طلعت عيني اخدة وقت كتيررررر جداااا أشغل وافصل عشان كانت بتفور
ممكن تعمليها في فرن البتجاز كل شويه بصي عليها هتلاقيها بتفصل المرته عن السمنه
أدي المرحله اللي دخلت على اللون الذهبي
خلاص كدا خلصت أهي بعد ما انا خلصت
هتصفي السمنه والمرته تحطيها في حاجه وتحطي السمنه في التلاجه
تحفه تحفه ريحتها سمنه بلدي أقسم بالله ولا طعمها بقااااااا يجنن
أدي السمنه ووالمرته
مممممممم
بعد ما دخلت التلاجه شفتي مرمله ازااااي
بس كدا خلاص
رايحه فين يا حلوه انتي وهي اطلعي قيمي الموضوع بقااااااااااا احسن هزعل منكم اووووووي وحتى عشان تعبت في تحميل الصور
وعمل الموضوع مخصوص ليكم
كام معلومه على االماشي كداااا
عايزه تعملي اللبن كله سمنه بلدي او ذبده لو عندك غساله اطفال يبقي تمام اغسليهااا كويس جداااااااااااااااااا
وحطي فيها اللبن وشغلها ساعه هتلاقي عملت حبيبات ذبده سبيها شغاله لحد ما تعمل كتل وهاتي الكتل دي وجميعها على بعض هتبقي ذبده بس كدا
واللي هيطلع الرايب اعملي منه قرص أو معجنات خطيررررر
المعلومه التانيه الرايب اللي يطلع من أول الموضوع
حطي في شاشه هيبقي جبنه قريش خطيره
زي دي اللي انا عملاها
هااااااااا ايه رايكم بقاااا استاهل 5 نجوم ولا لا
لو أي استفسار انا موجوده
سلام مواضيع هذا القسم برعاية
hoby nano hoby nano 545159_1.gif سوبر فتكات Fatakat 545159 الاحلام – الحب