السلام عليكم و رحمة الله و بركاته
يا بنات انا هتجوز على العيد او بعده بشوية
انا واخده شقة ايجار في نفس بيتنا يعني انا و ماما جيران
هيه في التالت و انا في ال11
انا عايزة اعمل حنة حلوة جداااااا
لاني معملتش خطوبة و كتب الكتاب كان في البلد و بعد كتب الكتاب عملنا حافلة في قاعة و الجو كان مطر و رعد و برق و محدش من اصحابي جه
فانا عايزة اعمل حنة كويسة و مش هعمل فرح لاني مش عايزة فرح
فعايزة اعمل الحنة و في نفس يوم الحنة اطلع على بيتي ينفع و لا ميصحش
عشان البس فستان اوف وايت في الحنة و اجيب كوافيرة البيت و كدة
و انا طالعة بيتي يدوب البس بدي و الف طرحة
انا مش هتصور و لا هروح لكوافير و لا في زفة عربيات
عشان انا مش عايزة اختلاط و عشان كمان عشان فستان الفرح بيبقى ماسك شوية على الجسمو انا عايزة على قد ما اقدر مغضبش ربنا لاني اصلا بلبس عبايات
و الحنة كلها بنات يعني مفيش رجالة هتشوفني
فايه رايكم اعمل كدة و لا انتوا عندكم افكار تانية
بس الله يحفظكم ردوا عليا و شركوني باراكم عشان انا بنت وحيدة و مليش اخوات بنات الا ولدين اكبر مني
بصوا يا بنات انا هغيب عنكم نص ساعة كدة اصلي و اجي
عايزة ردود مطر مطر
و انا ان شاء الله على قد ما اقدر ارد على كل واحدة فيكم
تمام كدة
نجوم مصر نجوم مصر فتكات ست الكل Fatakat 165296 القاهرة – مصر
