السلام عليكم ورحمه الله وبركاته
ازيكو النهارده يا قمرات ؟؟ عاملين ايه فى الحر الفظييييييييع ده
عندى ليكو شويه نصائح حلوه قوووووى للمطبخ واحلى ما فيها انها موفره للوقت كمان
اول حاجه هنتكلم فيها الدريسنج بتاع السلطات وهو بيتباع منه اشكال والوان فى المحلات
وهو بصراحه بيدى طعم جناااااان للسلطه
ودى صوره شويه منهم
انا بعمله فى البيت وبيبقى رهيييييييب وهو عباره عن
فصين توم مبشورين
عصير ليمونتين
معلقه صويا صوص
حوالى 5 معالق زيت عادى او زيت زيتون
هنحط ده كله فى ازازه فاضيه ونضيفه ونكمل باقى الازازه خل ابيض
تانى حاجه بقى هى رشاش الزيت بتاع الصوانى
اكيد بترشى الصينيه زيت قبل ما تحطى فيها الكيك او حتى المخبوزات
لانى لما بخبز المعجنات برش زيت ودقيق زى الكيك عادى
ودى صورته
وعلشن تعمليه فى البيت عادى كل اللى هتعمليه انك تجيبى علبه رشاش مايه عاديه
زى دى
وتعبيها زيت
تالت حاجه بقى علشان تبقى المعجنات بتاعتنا لونها حلو زى دى كده
وهى اننا هنجيب 1 معلقه صغيره بيكربوناته
ومعلقه صغيره دقيق
ونص كوبايه مايه
ونحطهم على بعض على النار لحد ما تبقى زى الصوص وندهن بيها وش المعجنات
بتبقى روووووووعه
وده لينك موضوع كنت عاملاه عن العيش واستخدمته لدهان وش العيش
https://fatakat.univanet.com/#2733716
اتمنى التكات الصغيره دى تفرق معاكم فى المطبخ وانا لو افتكرت حاجه تانيه هنزلها هنا
ولو اى واحده عندها حاجه هى كمان تقول عليها
فى امان الله مواضيع هذا القسم برعاية
ام يوسف العجمى ام يوسف العجمى 419885_2.gif سوبر فتكات Fatakat 419885 فى بيتى وسط زوجى واولادى – السعوديه