معلش انا كتبت الموضوع ده لان الفتوكه لسه كاتبه الطريقه ومش عارفه نزلت الموضوع مرتين وفيه لخبطه وانا مش عارفه اكتب فانهو موضوع فيهم عشان الناس تشوفه وتستفيد
عشان الانشون يكون لونه احمر عشان طبعا لما هيتعمل فالبيت هيبقي لونه بيج
فيه طريقتين
اولا تحطي عليه بنجرايه صغيره مش كبيره تفرميها مع العجينه
ثانيا ممكن تحطو لون احمر للاكل بردو ترشو معاه وهو بيتخلط
لو عايزه تحطي فيه زيتون وتفتكسي بقي عشان يبقي زي بره
تجيبي الزيتون المتقطع وتشري عليهم شويه دقيق وتفركيهم فبعض وبعد كده تحطيها فالسائل بعد ما تكوني خلاص خلطيه
ايه فايده الدقيق؟ الدقيق ده بيخلي الزيتون ميقعش فقعر الكيس ده بيخليه يندمج ويبقي متوزع فالانشون كله ونفس الموضوع يتعمل فالكيك او اي حاجه عايزه تحطي جواها اي حاجه ههههه
اهي الطريقه بردو عشان محدش يتوه
المقادير
3 بيضات و 4 جبنه مثلثات هاتي اي نوع مش لازم لافاشكيري يعني
ومعلقتين زيت و 3فصوص حبهان مهروسين و مكعبين مرقه و 3 معالق دقيق وملح وفلفل
الطريقه
تحطي كل الحجات دي فالخلاط وتضربيهم كويس وبعد كده تجيبي مايه فحله كبيره تملي نصها وبعدين تجيبي علبه سمنه صغيره او علبه صلصه وتحطي فيها كيسه من بتوع اللبن دول وتمليها بالبتاعه وبعد كده تربطيها كويس وطبعا تفرغي منها الهوا وبس تحطي العلبه فالمايه وتقفلي عليها بالغطا عشان متعومش يعني وبعد ساعه الا ربع تطلعيه وتحطيه فالفريزر ولما يجمد تقطعيه ترنشات وبالهنا والشفا
مواضيع هذا القسم برعاية
loly el3asola loly el3asola 239405_2.gif فتكات رائعة Fatakat 239405 الاسكندريه – مصر