السلام عليكم يابناويت
وحشتونى قوى
بصو دى كانت عزومه لأهل جوزى وكانت يوم الجمعه
طبعا كان يوم مايعلم بيه الا ربنا
لييييييييييييييه
لأن جوزى جابلى كل الطلبات الساعه 3.5 العصر والناس معزوومين عالغدا
وعايزه اقولكم جايب من خيرات الله
سمك بلطى وبورى وحباروجمبري ومكرونه
وانا مبحبش اعمل الحاجه الا لما انظفها تنضييييييف عمييييييق بجد
اخذت تنضيف ساعتين ونص وتقشير كمية توم ماشاء الله ظوافرى لحد دلوقتى بتحرقنى
وعايزه اقولكم كمان عندى ولد سنه ونص ومش هكمل ؟؟؟؟؟؟؟
الحمدلله عن جوزى انبسط جدا وشكرنى
والناس الحمدلله قالولى تسلم ايدك وانبسطوا
كفايا رغى بقى ندخل عالمنيو
عدد الافراد كان 8 افراد وابنى وبنوته رضيعه احسبهم والا بلاش
بلاش اصلا ابنى اكل يوميها ملوخيه بايته مرضيش بالفسفور فقرى
انا ذكرت العدد عشان انا عندى سفره بس 6 افراد فاضطرينا نقعد عالأرض
الاطباق الرئيسيه كانت
سمك بلطى مقلى
وسمك بورى ف صينيه فالفرن
وحبار مقلى برضه
وسمك مكرونه كمااااااان مقلى
وشوربة جمبرى بقشره طبعا
اوووووووووووووووووووووووووول مره اعملها بالجمال ده بس طلعت حاميه شويه جوزى فضل يقولى زودى شطه زودى
ورز بالبصل والجزر والطماطم أخت جوزى علمتهولى ربنا يباركلها ف بنوتتها
اولا : تتبيلة السمك
كلللللللللللللله واحد
انا بحب اعملها كتييييييييره
تووووم وفلفل روومى وفلفل حامى قرنين كده والتوابل مللللللللح وفلفل اسمر وكمون وشوية كزبره ناشفه مبحبش توابل السمك الجاهزه وليمون بقطعه بقشره وكلللللللللله فالكبه يتفرم كويس بس وبتبل بيه السمك والله لو مستعجله عليه بزووود الملح عشان مش هيلحق يحدق
لو هسيبه براحته وده الأفضل بعمله الملح مظبوط عشان هيتشررررب ملح كويس
الدقيق اللى بحمر منه السمك بضيفله ملح وكمون وكزبره ناشفه
بغمس فالدقيق البلطى والمكرونه وبقليهم
أما بقه الحبار او السبيط او الكلمارى
خدى بالك الحبار او السبيط لازم تعمليه فالدقيق ويتقلى فورا يعنى متركنيهوش هيعجن وهينزل كل الدقيق فالزيت وهيشرب زيت
وسعات بعمله بخلطه دقيق ولبن وبيض على بعض خليط وبقليه بس للسبيط بسسسسسسسس
دى بقه برضه ببقى متبله السمك قبلها
وبرصهم فى صينيه بالطوووول
وترصى فوقيه بشكل عشوائي
طرنشات فلفل رومى وجزر مبشوور وبصل حلقات
وحلقات ليمون
بس وتزوديلها شوية ميه وبلاش زيت هو البورى دسم اصلا
وتحطيه عالبوتوجاز من فووووق يغلى غلوتين وينزل الصوص
تروحى مغطيه الصينيه وتدخليها الفرن
ولما يستوى تكشفيها وتسيبيه ياخد لووووون من الشوايه
بس
الطريقه دى بتخليه خفيف واحسن من المقلى
طريقة الرز
اللى واضح فالصور انه مش ببصل وبس
بتقطعى بصلك عااااااادى زى ما هتكونى هتعمليه رز صياديه
وتحمريه بس مش تخليه يغمق يادووب يدخل فاللون الذهبي
وتروحى نازله عليه بالجزر المبشور ومكعبات طمام مش كتير
بس وملح وفلفل وتسيبيهم تتشرب الميه وتنزلى بالرز تقلبي وتحطى الميه
وبس كتسوية اى رزززززز
الجمبرى
بصراحه وانا ف بيت بابا كنت برميها اه كنت بسلقه كده ملح وفلفل وبصلايه زى اى لحوم
وكانت بتطلع زفففففففففره واوووووووع
المهم فكرت شويه
تجيبي الجمبري بقشره طبعا وتشطفيه شطفه حلللللللللللوه
وبعدين تنقعيه ف خل وميه وشويه ملح مووووتى وسمى الزفاره
تصفيه كويييييييييييييييييس وتجيبي حله تحطى فيها زيت ذره
وتشوووووووحيه لحد ما لونه يبقى اورانج كده تمام
وتضيفى بقه التوابل الاساسيه ملح فلفل وكمووووووووووووون اهم حاجه الكمون
وعايزه بقه اضافات ورق لورى روز مارى حبهان مستكه اى توابل
وبعدين تنزلى الثوم والبصل
شويه يذبلوا تنزلى بالطماطم مكعبات تغلى وقبل ما تنشف تنزلى بالميه وتحطى فيها عيدان كرفس وورق لو حبيتى
بس وتوطى النار بعد ما تغلى كوييييييييييييييييس
عاوزه تحطى طماطم عصير براحتك بس كده كده الجمبري بينزل لوون مع الطمامطم المكعبات اورانج جمييييييل
ولما يستوى وتيجي تغرفى انشلى الجمبرى وصفي الشوربه خالص
قدمى الجمبرى لوحده والشوربه لوحدها
او لو عايزه تقدميها كامله up to you
السلطات
كانت سلطه بلدى
وسلطة طحينه
والعصائر
عصير ليمون بالنعاع
وعصير مانجوووووو
وميمنعش دورين شاى كده عالماشي
وفاكهه وميه طبعا
وبس بقى يا فتاتيكى
مقولكوووووووووووووووووووووش بقه كنت مبسوطه بيهم
بس بعد ما نزلوا كان هاين عليا اعيييييط م المواعين
صعبت على جوزى وقعد يقولى معلش ربنا يقويكي
وبدأ يفكر ف موضوع غسالة الاطباق جدييييييييييا
الحمدلله يارب الاقيه داخل عليا بيها في يوم
سمعاكى يللى بتشتمى ف سرك وبتقولى خلصى يا لتاته
حاااااااااااااضر الصور على قد ما عرفت اصور عشان كنت بغرف وبرص وجوزى بيصربعنى وكده بقه
الصور كانت قبل ما ارص المعالق لتفتكروا اننا اكلنا بايدييييييينا
الجمبري المتيييييييييييييين
ودى اقرب شيويه
ودى آآآآآآآخر صوره تعبتكم
متنسوش التقييييييييييييييييييييييييييم
والدعوه الحلوه ليا ولابنى ولزوجى حبيبي
ومننساش كمان اييييييييييييييييييييه
نسيتوا ؟؟؟؟؟؟
تدعيلي اجيب غسالة الأطباق
مواضيع هذا القسم برعاية
Sajedah Sajedah 211437_7.gif سوبر فتكات Fatakat 211437 شبرا – فى قلب حبيبي