طبعا العزومات دي لو ما فيهاش فشخرة واسراف بتبقي ثواب اكرام ضيف وصلة رحم لو نويتي
من كان يوءمن بالله واليوم الاخر فليكرم ضيفه
تعالوا ندخل عالموضوع
مميزاتها
1)بتركزي فيها اكتر بدل ما يتوزع تركيزك علي كذا صنف فيوءثر علي جودتهم
2)بتغرفي طبق واحد بس
او طبق لغرفة الستات وطبق لغرفة الرجالة
3)المواعين مش بتبقي بالاطنان كالعاده في العزومات
4)وقت اقل في التجيهز
5)سهولة تجهيز كل مكوناتها قبلها بيوم
وتجهزي نظافة الشقة للاستقبال
ويوم العزومة هتقعدي مع ضيوفك
وتدخلي قبل الفطار فقط بساعة الا ربع تعملي الرز وتغرفيه وكمان تذوقيه
واي تجهيزات بسيطة
رغم كده بتبقي حققتي
1)برده نفس الاصناف اللي كنتي هتقدميها في كذا طبق
ونفس القيمة الغذائية
يعني الطبق بخضاره بلحمته اتغرف مع بعضه
ممكن بس لو هنزود حاجة مع الطبق الواحد يبقي سلاطين شوربة وطبعا السلطة
الطبق عبارة عن اكبر سرفيس عندك نرص فيه
1)ارز بالكركم بالحمص الشام معمول علي ماية لحمة مشوحة
2)وتكوني خدتي اللحمة بعيد قطعتيها صغير تتغرف في وسط طبق الرز
3)وترصي حوله كرات الكفتة (دوائر صغيرة جدا )في نفس السرفيس(طبعا دي بتكوني مجهزاها قبلها ويومها بتحطيها تاخد وش الجراتان من الفرن وتسخن في تلت ساعةاو خليها تاخده من الطاسة التيفال من فوق)
4)وعلي سطحه مكسرات محمرة(انا كسرتها بسيط بشاكوش قبل تحميصها )
وبكده اللي ياخد معلقة يطلع له فيها اما لوز واما قطع لحم واما كورة كفتة ده غير الحمص اللي ممكن نستبدله ببسلة
طبعا لحد كده الطبق كويس اوي بس
5)انا كان عندي بانيه قليل قوي قطعته صغير (ممكن مثلثات بتعطي شياكة)بعد كده تسويه
وترصي بسيفه داخل دايرة الكفتة مسنود عليهااو حسب فنك
طبعا ممكن بالبيض والبقسماط بس انا عملت الطريقة اللي بننزله متبل في طاسة سخنة بنقطة زيت فقط 7 دقايق لكل وش ونولع له فحمة
وانا كنت عاملة طبق سلطة طحينة
وزي ما قلت لك ممكن شوربة بس انا ما عملتش
المهم الضيوف عجبهم وبعد ما كانوا جايبين من المطبخ اطباق صغيرة يغرفوا من السرفيس فيها
تنازلوا واكلوا معا من السرفيس الانيق
لتصفصف المواعين علي اقل قدر ممكن غسله في عزومة
والاكل عجبهم
ارجو الدعاء بالشفاء وبأن يجعلني الله من اهل الجنة
مواضيع هذا القسم برعاية
فيونكة وكرانيش فيونكة وكرانيش فتكات رائعة Fatakat 586674 القاهرة – مصر