سلام عليكم يافتوكاااااات
ازيكم كلكم وكل سنه وانتو طيبين ورمضان كريم ويعوده الايام يارب
انا زي كل عروسه نفسي اعمل فرح ويكون ع قد الايد مش اعمل فرح واخلي خطيبي يفلس يعني ربنا يرزقه برزقي ياااااااارب
المهم انا لفيت ع قاعات كتير اووووي واستقريت في الاخر علي قاعه ماشاء الله حلوه جدااااا وشيك وناس هناك معاملتهم شيك وزوق اوووي القاعه في شارع البحر الاعظم في الجيزه
بجد حاجه كده تحفففففففه ومكنتش متخيله اني الاقي اللي انا عاوزاه وبالسعر ده وكمان معامله محترمه كده
القاعه اسمها كونكورد في اول شارع البحر الاعظم وممكن تدخلوا ع الفيس اعملوا سيرش هتطلعلكوا القاعه وكمان حطين عليها مقاطع من الافراح بتاعتهم
بس انا روحت انا وخطيبي مرتين مره كنا بنتفرج عليها ومره لما حجزنا والمرتين كان في فرح كل مره بصراحه حاجه كده تحفففه واتفرجت انا وخطيبي ع الطبيعه وفي وسط ما بينزل الاكل للمعازيم
هما بيقعدوا العريس والعروسه بره في مكان ع النيل وبينزلولهم عشا ده هديه مع العرض بتاع القاعه والقاعه اصلا تحفه وحواليها النيل وتبقي قاعده جوه شايفه النيل من بره حاجه وهم وتحفه
نيجي بقي لنظام القاعه وانا معايا صور للقاعه وللبروشور بتاعهم بس لو عرفت انزلهم لاني مجربتش قبل كده
القاعه لعدد 200فرد عامله 4000جنيه شامله القاعه والكوشه ودي جي وفيديو ديجيتال hd+شاشتين بلازما
ووحده ليزر كامله+ليدات+بابلز
زفة مشاعل (مراسم استقبال العروسين )
زفه دمياطي
تورته 3دور
200كانز
وعشاء فاخر هديه للعروسين
الاكل بقي علي حسب اختيار واللي يناسب كل واحده انا عن نفسي اخدت الطبق الاول السعر للفرد 10جنيه واللي هو قطعه جاتوه وقطعة باتيه وباتون ساليه
في طبعا اطباق تانيه السعر للفرد 14وفي ب18
لو الطبق الاول بياخدوا عليه خدمه 200جنيه يبقي كده كله 6200
وفي اضافات تانيه انا اخترت منها زودت التورته خليتها 5ادوار الدور ب100 وعملت تصوير فوتوغرافي 2فيلم و73صوره ده ب 200جنيه يبقي كده كله 6600
بندفع 30%من قيمة الحفل لما بنحجز وقبل الفرح ب10ايام بندفع باقي المبلغ
انا كده خلصت واللي عاوزه تشوف القاعه تنزل كمان تشوف ع الطبيعه وعلي فكره طبعا كل واحده وامكانيتها في حد ممكن يشوف الاسعار مناسبه وفي حد لا بس انا قولت افيدكو لاني مجربه اللف والتعب ده واللي مستغليها في قاعات تانيه في نفس الشارع ارخص وربنا يفرح كل البنات ياااااارب
وبالله عليكم تدعولي انا وخطيبي وان ربنا يهديهولي ويرزقه ويالف بين قلوبنا ياااارب ويتمملنا علي خير انا ان شاء الله في شهر 10 ومتنسوش التقيييييم بالله عليكم لاني تعبانه والله بس مرضتش اجل الموضوع وقولت لازم افيدكووو
ربنا يفرح كل البنات اللهم امين
dody keko dody keko فتكات حبوبة Fatakat 891830 القاهره – مصر
سبحان الله و بحمده