ازيكو ياحلي فتوكات وحشتووووووووني جدا انا بقي كنت مقيمه معاكو ف القسم ده عشان استفيد واستفدت كتيييير جدا دلوقتي بقي جه دوري افيدكو ف حاجات كتير اوي مهما الواحد يعمل بيكون في اخططاء مهما دبرتي وحاولتي مش هيكون في حاجه مظبوطه هبتدي معاكي من اول الخطوبه هتقولولي ليه هقولكو عشان الخطوبه دي اساس حياتك انتي بتبني علاقه لو وضحتي اساسياتها كويس اوي هترتاحي بعد الجواز ازاي هقولك يعني عودي خطيبك ع الاحترام ف التعامل مع بعض يعني مش عشان خدتو علي بعض نهزر بشتيمه خفيفه يامعفن والكلام ده لاا صدقيني هتندمي اشد الندم بعدين الكلام هيكتر والشتايم هتزيد وهتقلي بنفسك وبيه وهيحصل مشاكل بينكو حتي كلمة به او ولا والحاجات دي ممنوع ابني علاقه علي الاحتراااام حتي عشان لما تختلفو وتتخانقو مايغلطش فيكي لو وطلب منك اي حاجه خارج حدود الخطوبه ارفضي تماما مهما حبيتتو بعض لان مهما هوه هيبقي نفسو فيكي ووافقتي هتبني ف دماغو انك سهلة الوصول ويقعد يفكر ف حاجات غريبه ويعاير بعد الجواز ده انتي عملتي وووافقتيني وهكذا اتكلمو اكتيييييييير ف فترة الخطوبه عشان يبان تفكير كل واحد للتاني دققي علي كل حاجه مش عجباكي ماتفوتيش هتقوليلي ماحنا كده هنختلف ونتخانق مش مشكله اختلفو واتشاكلو عشان تقدرو توصولو لحل مناسب هيريحكو بعدين ف حياتك هتوحدو طريقة تفكيركو مش هقولك امسكيلو السكينه ولا ارميلو حاجتو لا يافتوكه بالعقل يا حببتي يعني اختلفو وصالحيه اختلفو ويصالحك عارفه المناغاشات مش الخناقات يعني اي حاجه مش عجباكي علقي عليها صححي ابني فكره ف دماغكو ان اهلك اعظم ناس ف الدنيا حتي لو مضايقه من اختك من باباكي بيفرق بينكو مثلا اوعي تبينلو ابدااااااااا مهما كان بيحبك مش هيحبك قد اهلك هما سند وضهر الواحده ناس هتقولي في ناس اهلها وحشه هقولك في ناس اهلها ماعندهمش اسلوب يوصللهم بيه طيرقة خفهم عليهم ماحدش بيكره ولادو ولو بيكرهو قولي ان اهلك اعظم ناس عشان ماحدش يستهون بيكي يعرف ان ليكي ضهر ياخاف منو لو اهلك شداد ف الخروج او تخرجي معاه من وراهم ماتكدبيش ابدا وتصغري اهلك قدامو اخترميهم عشان هوه هيحترمهم طبعا لو كان ليكي علاقه قبل كده انسيها وكانها ماحصلتش مش تروحي تحكيلو مشاكل اهلك حودها انتي مش انتي وهوه معايا يافتوكات اعملي لنفسك شخصيه مش كل اللي يقولك تعمليه حتي لو مش بتحبيه لا في انتي بتحبي كزا لازم يعملو عشانك الراجل عاوز مساسيه ودلع واحتواء كلي دماغو بكلمتيه عوديه علي طريقتك باسلوبك لو في حاجه فيه محرجه الفتي انتباهو بطريقه غير مباشره حسيتيه بخير مابيصليش اكتشفتي انو ليه علاقات مشبوه قبل مايعرف سبيه علي طول من غير ماتتردي لان دول من اكتر الصفات اللي لازقه مع الراجل صعب تتغير الا ازا ربنا اراد لحد كده تمام نفوكنا من العريس بقي عشان ماطولش رغايه انا عارفه وحشتوني بقي اعمل ايه محوشه كتير ندخل علي الجهاااااااز مش هقولك هاتي وده وده وده لا عشان كل واحده ادري بامكانيات اهلها بلاش تطمعي يافتوكه وتتقلي لو مافيش امكانيه والله والله انا لاكان ف دماغي اي حاجه اجيبها بس زوقي حلو وكنت برضي باقل حاجه بقي ربنا يرضيني بحاجات ماكنتش متخيله اجبها ولا ف حسابي وشقتي كلو بيحلف بزوقها الحمد لله اول نصايح ليا ف التجهيز ابدئي بالمطبخ والنيش ماتبصيش لعدد بصي لخامه وزوق انا عندي نفسي ماجبتش5 اطقم طباق زي مالناس بتعمل جبت طقم صيني شيك اوي ومش غالي اوي ولا رخيص ف حدود3000 كان بنجلادش وخفيف وجميل وجبت طقم اركوبال تايلاندي كان ف حدود1000 وطقم عشا تركي للمطبخ بس والحلل طقم استانلس وطقم سافلون كامل بسسسس بلاش كركبه علي الفاضي يافتوكات كل مالحاجه تكون قليله وشيك كل ماتظهر وكمان هتودي فين 5 اطقم حلل يعني انتي عما ولادك يكبرو مش هتدوبي طقم يافتوكه هتورثيهم لاحفادك مثلا ههههههههههه يبقي نسقي الاوان وبدل ماتجيبي 5 اطقم مالهمش لازمه هاتي اتنين شيك وخامه كويسه السافلون مالقتش احسن منو ف الاستخدام هتقولو سيراميك جبت حله من نيوفلام الكوري اتخدشت من اول شهر وبستخدم الاسفنج والمعالق خشب السافلون الحله تقيله والدهان بتاعها طبقات كتير مابتتخدش بسهوله بتحتفظ بالحراره فتره بجد وهميه بنصح بيه اي عروسه الاستانلس حلو اوي ف السلق الطبيخ الحاجات اللي فيها سوائل حلة الضغط هاااااايله ومهمه جدا غاليه بس تمنها فيها العجان بالنسبالي مهم عشان مدمنة تورت وحلويات الاسباتيولات اختراع هايل بقلب بيه ف التيفال بيبقي حنين عليه دوارة التوابل كتر العدد فيها هايل جدا لا غني عنها ف المطبخ الهيتر لا غني عنو الغلاية الميه بالكهربا وممكن جمبو احتياطا تجيبي براد استانلس نضيف حجم كبير وكنك القهوه مهم جدا حله استانلس كبيره لو عندك عزومه وهتعملي ديك رومي او بط وفراخ مع بعض استاند المعالق شكل ع الفاضل كده كده بتزهقي من كل شويه ترصي المعالق بحطهم ف الصفايه بتاعة المعالق واريح دماغي شنطة المعالق فلوس مرميه ف الارض مانصحش بيها اي عروسه هتقولو عشان الناس اصلا ماحدش هيسيب كل حاجاتك التحفه ويفكر ف شنطة المعالق فين مابنصحش بالصواني التيفال العاديه بتتخدش بسهوله فظيعه كفايه طاجن واحد سافلون والباقي المونيا تقطعي مكرونه حلويا اي حاجه هاتي بس قالب بيتفتح للكيك تيفال نضيف الطباق البلاستيك التركي الجديده دي تحفه كتري منها بتنفع موت وصفاية الرز وهراسة التوم لااااااااا غني عنها مهمه جدا مش عشان حاجه عشان الهون مابقاش هون حاجه خفيفه كده وترزعي مهما ترزعي مابيدقش فين ايام زمان كنتي تشيلي الهون ياخدك ويقع بيكي من تقلو فوط المطبخ كتري منها مهمه جدا وخصصي كام فوطه لتنشيف الاطباق بس ماتكتريش ف الكوبيت طقمين مجات شاي كفايه واتين شاي من غير ايد و3 ميه شوب بلاش مية طقم خشاف هاتي واحد للنيش وطبق فاكه منفصل كفايه ماتكتريش ف الكاسات بردو 4 او5 واتنين استعمال مطبخ طقم القهوه مش مهم عندك ف الصيني والاركوبال ندخل ع المفروشات دي بقي العدد اللي تحبيه مفرش العروسه مالوش ريحة الازمه عن نفسي ماجبتوش فرشي مودرن وحطيت ملاية ثري دي احمر ف اسود وكوفرته احمر وانا عندي العفش اسود ف رصاصيي عامله حيطه خلفيه احمر وفيها رسم نجوم والستار احمر ف رصاصي والدلايه احمر كان الديكور تحفه كلو انبهر بيه لو العفش استيل هاتي مفرش يكون حلو ومش غاااااااااااالي ومش مهم الخامه هاتي شكل وخلاص شهرر وهيترمي ف كرتونتو الفوط كترها مايخسرش والملايات انا جبت3 بطاطين و3 لحفه كبار ولحافين اطفال كتير طبعا وندمت بس ماما اصرت تجبهم بما انها ماجبتليش الحاف عفشك مودرن ميلاتك كلها مطبوع وشكلي بقي ثري دي وعادي بيبقي شكلهم رهييييييب ماما اصرت تجبلي مطرز مافرشتش ولا واحده ولا ناويه بصراحه مش نافعيني عندي خالص وزعلت اني ماصرتش وجبت كلو مطبوع مارضتش ازعلها بقي خدو بالكو من النقطه دي الكوفرته كل ماتبقي غاليه كل مايبقي تمنها فيها هاتي واحده بس متسترخصيش واحسنهم المجد البرنص هاتي فرداني تركي سيبك من مية قطعه وشبشب مالهمش لازمه الفرداني اتقل وانضف الهدوم ف الصيف كترررررررري منو عشان هتغيري كام مره ف اليوم الشتوي ماتكتريش ف العبايات الشتوي مش هتتلبس 3 كفايه و2روب شتوي وروب صيفي مهم جدا خاصة لو بيت عيله حماتك كبست ع نفسكك تلحقي تلبسي الروب الاندرات فوكك من البنتيات ماببتلبسش واصلا هتتخني وهتعمليهم توك فليه هاتي كام واحد لاول الجواز والباقي هاتي الاقطان واليكرا ع قطن وكترررررررررري 5 دستس هينفعوكي مش هيخسرووو قميص الدخله الابيض مش ضروري كده كده مابيبقاش شايف حاجه اصلا
هتلاقيه عامل كده فنفضي للابيض ابو روب القمصان الطويله حلوه ف سهره بليل قاعده شعبي بدلة الرقص مهمه جدااااااا والخلخال والحزام اللي بيشغلل حتي لو مابتعرفيش ترقصي هيعملو اعلي شغل هزه يمين شمال هيتخيلك صافيناز سبت شيك حطيه ف غرفة نومك عشان تحطي فيه الغسيل مهم الشموع والجو ده مهم المفارش الهندي شيفاه احلي من التركي كتير حتي لو مودرن هاتيها بتبرق كده وشيك الاجهزه التلاجه بيكو تحفففففففففه معايا وواسعه مابتعملش ريحه وتبريدا عالي بيحفظ الاكل مابيبوظش الارفف بيركس بشيلها اغسلها واحطها تاني فيها صافره انزار عشان لو سبتي الفريز او باب التلاجه مفتوح فيها كزا فتحات للتهويه هايله ماشاء الله البوتجاز لحد الان حلو معايا ماكنتش مقتنعه بيه بس ماشي رويال امان كامل حامل اواني زهر التليفيزيون ال جي تحفه غساله ال جي كوريي رهييييييييييبه بمعني الكلمه ماشاء الله العجان تركي بالمفرمه تحفه وكبة الحمه1000 وات مونوليكس هايله وخلاط مونوليكس وهاند بلندر مونوليكش كل حاجه لو حدها يموتورها افضل بكتيييييييييير الهاند بلندر هايل لا غني عنو مافتحش الخلاط من كتر ماهو بيضرب اي حاجه ف اي طبق التوستر مالوش ريحة الازمه وشواية الكهربا حلوه ممكن تجبيها ترفيهيا مش ضروريه هيا وقلاية البطاطس وعصارة البرتقان بالكهربا الميكرويف رهيب دايوو لا غني عنو هتجيبي فرن هقولك بلاش ماعندك فرن البوتجاز براون لازالة الشعر لا غني عنها التكييف شارب حلو المراوح فريش المكنسه ال جي تحفه انا كده خلصت اول جزء استنوني بقي ف الجزء التاني مرحلة الفرش وجهاز بيتك والضروري والمهم والعملي في ايه والفرح ومرحلة مابعد الجواز قرييييييييبا هسيبكو بقي عشان تعبت وطول عليكو ماتنسونيش بدعوه حلوه ربنا يوسع رزق زوجي ويرزقنا الزريه الصالحه
rena.mohamed rena.mohamed 555216_1.gif فتكات متميزة Fatakat 555216 zagazig – egypt
سبحان الله و بحمده