بسم الله الرحمن الرحيم
ازيكم يا احلى فتوكات ف الدنيا اختكم عروسة من شهرين يعني في الهوا سوا
طبعا فاولالجواز بتبقى عايزة تبهريجوزك باكلك وتنسيه اكل امه نهائي حاسة بيكي والله
نبدا اول حاجة الاساسيات
مبدأيا حاجة الحلويات لازم تبقى متعانة ف درفة غير بتاعة التوابل عشان الحاجات دي بتلقط الروايح بسرعة يعني تخصصيلهم ضرفة لواحدهم تمام
لازم الضرفةدي تكون ما فيهاش رطوبة علشان الحاجةما تسوسش خاصة الدقيق و كمان كل حاجةتكون محطوطة في برطمان او كيس مقفول كويس
الحاجة الليهتعجني فيها او هتعملي فيها كيك لازمتكون ناشفةتمام يعني مغسولة كويس وتسيبيها تنشفوقبل ما تستخدميها تمسحيها بمناديلنضيفة عشان لوجه عليها اي عفار
لو هتستخدمي ادوات خشبزي النشابة لازم تتغسلكويس جدا لان الخشب بالرغم من انه صحي بس السطح بتاعه بيمتص اي حاجة عليه وكمان يا ريت تمسحيه بديتول وتسيبيه ينشف فالهوا يعني على الرخامة مثلا
لوهتعملي اي معجنات لازم تسخني الفرن قبلها بمدة كفاية يعني قبل ما تبدأيتعجني وعلى درجة اعلى من المطلوبةوبعدين تهدي الحرارة وتحطي حاجتك
نبدأ بالكيك
عجينة الكيك ما ينفعش تبقى سايلة زي الزلابيةولاناشفة زي البسكوت بتبقى عجينة سميكة شوية شبه الكريمة السايلة
السايلة بتهبط بعد شوية والناشفة بتنشف اوي لما تستوي وبتتطري ترميها
لازم وانتي بتنقلي المقادير تنقليها بدقة وماتقليش ازود اي مقدار لان الزيادة هتضرمش هتفيد
الزيادة مسموحةبس ف حاجات معينة يعني الدقيق طلع قليل ازوده سنة او ان باحبها مسكر ازود ربع كوباية سكر ع المقادير
اسباب هبوط الكيك
كترةالمواد الرافعة زي البياض و البيكنج بودر
لان اساس الكيك هو الصفار البياض والبيكنج بودر لما بيتعرضو للحرارة بينتفخو بس البياض ما بيكونش استوي
ف بيرتفع ويرجع يهبط
فالفكر مش انك تحطي 10 معالق بيكنج بودر
ولا 10 بيضات
اهم حاجةالتوازن
طيب لوعايزة الكيك يرتفعويبقى هش ممكنتفصلي البياض عن الصفار وتضيفيله نص مقدارالسكر وتضربيه بس اهم حاجة ما يكونش فيه ولا نقطة ماية لحد ما يتقل ويبقى مارينج يعني زي الكريمةكدة وبقية المكونات تضيفيها ع الصفاروتضربيهم كويسوترجعيتضيفيالبيض وتقلبي براحة عشان يختلطوا ببعض بس من غير ما تقلبي جامد
الصينية تدهنيها كلها بالزيت او الزبدة بس تدهنيها كلها لانك لودهنتي جنب وسبتيجنب هترتفعمن ناحية وتهبطمن ناحية
لو الكيكة بيضة ممكن ترشي شويةدقيق ف ارضية الصينية وتمسحي بيها الاحرف عشان ما تلزقش ولو كيكةشوكولاتة يبقى شويةكاكاو بدل الدقيق عشان شكلها ما يبقاش وحش
العجين ما ينفعش يبقى اقل من تلت الصينية ولا اعلى من التلات اربع يعني ممكن تهبط برده لوحطتيها ف صينية واسعة على الكمية لان الصينة بتبقى دعامة ليها ف الارتفاع
درجة حرارة تسويةالكيك من 180 ل 200 تحطيها ف الرف اللي ف النص مش اللي لازق ف الفرن عشان ما تتحرقش
ولو ما فيش مروحة ف الفرن يبقى ممكنتحطي حلة ف ارضية الفرن فيها شوية ماية عشان توزيع الحرار يبقى كويس
ونفس الطريقة متبعة ف الافران اللي مش فيها شواية وما تخافيش الوش هيحمر
ما تفتحيش على الكيك قبل ما يمر عليه 35 دقيقة وتختبريه بعود خلة لولقيتيه مش نضيف يبقى هتسيبيها كمان شوية
بعدما تستوي الكيك تطفي الفرن وتسيبها جواه شويه ومش تطلعيها على طول وكمان لما تطلعيها مش ترزعيها على الارض او الرخامة لا تحطيها بالراحة
وما تقطعيهاش الا لما تهدى انا حاسة اني باكلمكم عن عيل صغير ب الموضوع بسيط والله
الموضوع دة بقى عن كيكة الزبادي تحفة ربنا يكرم صاحبته يا رب https://fatakat.univanet.com/#2769382
بالنسبة للمعجنات
هاكمل بس بعد الفاصل مواضيع هذا القسم برعاية
drnanoo drnanoo images/flowersavatars/avatar0021.jpg فتكات رائعة Fatakat 158367 دنيا تانية – أم الدنيا مصر