بصو يا بنات انا من 7 شهور كدة حسيت بالم جامد فى مفصل الحوض ورحت لدكتور عظام وقالى عندك التهاب فى المفصل وادانى علاج على هذا الاساس وارتحت شوية بسبب المسكنات الى كنت باخدها ولكن من اكتر من شهر كدة رجع الوجع تانى اكتر من الاول ونزل على رجلى كدة لغاية الركبة رحت لدكتور عظام تانى وقالى عرق النسا وطلب اشعة على الضهر ومفصل الحوض وطلعت سليمة قالى انا مش عارف الوجع ده جاى منين فقراتك كويسة ومفهاش حاجة وانت لسة تعبانة وادانى ادوية تانية انا خفت ورحت لدكتور تانى اكد نفس الكلام عرق النسا بس قالى مش شرط يجى من عيب فى الفقرات ليه اسباب كتيرة وممكن تقعدى شهور لغاية ما تخفى وادانى باسط للعضلات ومسكن ومضاد للالتهاب وحقن فيتامين ب 12 جامدة اوى وانا خلصت البرشام والحقن لسة وحسة ان الوجع خف حبة بس لسة موجود مش بقدر اقف كتير ولا اوطى حتى الصلاة ممكن ابدأها عادى وانا واقفة واكملها وانا قاعدة
ارجوكم لو حد عنده فكرة عن الموضوع ده يفدنى وانتو عارفين اننا بنقف فى المطبخ وفى شغل البيت اكتر ما بنتنفس ..وكمان زوجى عايزنى اجيب نونو وانا اصلا معايا بنتين وخايفة ده ياثر عليا
معلش طولت عليكو بس بالله عليكو افيدونى
توتة مصطفى توتة مصطفى 504853_3.gif فتكات متميزة Fatakat 504853 بيت جوزى – مصر
سبحان الله و بحمده