بسم الله الرحمن الرحيم
دى اول مشاركه ليا وهقدم ليكو وصفة البيتزا زى ما انا عملتها قد ايه سهله وسريعه
المقادير
أولا العجينه:
كوب وربع دقيق منخول + ربع كوب زيت + ملعقة خميره بيره + ربع كوب لبن + ملعقه سكر + ملعقه متوسطه ملح +بيضه.
ثانيا التغطيه:
مقدار من اللحم المفروم أو التونه زى ماتحبو لو تونه يبقا علبة تونه كبيره لو لحم مفروم يبقا حوالى ربع كيلو + 2 حبة طماطم متوسطه مقطعه شرائح(لو مش عندكو كاتشب) + حوالى 100 جرام زيتون أسود وأحضر مشكل يعنى + حوالى 150 جرام جبنه رومى مبشوره (لو مافيش مودزاريلا ولو فى مودزريلا الاتنن مع بعض بيبقا طعهمهم يجنن) + 2 قرن فلفل أخضر مقطع شرائح صغيره (للى بيحب الحاجات مشطشطه).
الطريقه:
اولا تجهيز الخميره:
حطى معلقة الخميره فى طبق صغير وعليها معلقتين لبن دافى ومعلقة السكر وقلبى كويس وسبيهم.
حطى الدقيق والملح فى طبق بلاستيك صغير وحطى عليهم الزيت وقلبى كويس لحد ما يتمزجو ببعض بعد كده حطى البيضه وقلبى كويس بعد كده حطى الخميره وقلبى كويس جدا بعد كده اللبن بس شويه بشويه على حسب جوده الدقيق يعنى حطى لبن لحد ما العجينه تبقا ماسكه نفسها وماتلزقش فى ايدك بعد كده غطيها بكيس بلاستيك وسبيها تخمر من ساعه لساعه ونص على حسب الجو.
بعد ما تخمر خديها وهاتى صينيه وادهنينها بمعلقتين زيت وبعد كده افردى العجينه فيها واظبطى السمك زى ماتحبى وحطيها فى فرن دافى يعنى ولعى الفرن قبل ماتفردى العجينه بشويه بعد ماتحطى الصينيه فى الفرن وطى الفرن من فوق لو فرن كبير ولو فرن البوتاجاز حطى الصينيه تحت على صاجة الفرن لمده من 3 لخمس دقايق على حسب قوة نار الفرن ( يعنى اول لما نلاقى سطح العجينه بقا هش شويه) بعد كده نخرجها من الفرن ونحط عليها التونه او اللحمه المفرومه وفوقيها الزيتون وبعد كده الفلفل وبعدين الطماطم وفوق الجبنه الرومى (ولو فى مودزريلا تبقا فوق الجبنه) بعد كده حطيها فى الفرن ولو فرن عادى وطى من تحت وخلى النار من الاجناب متوسطه ولو فرن البوتاجاز ارفعى الصينيه على الشبكه وسبيها لمده من عشر دقايق لربع ساعه بعد كده طلعيها وادعيلى.
مواضيع هذا القسم برعاية
i’m alive i’m alive 83947_2.gif فتكات هايلة Fatakat 83947 التوكل على الله – مصر ام الدنيا