ازيكم حبايبى وحشينى اوى رغم ان انا بدخل على المدونة كل اليوم
بصراحه انهارده انا كنت مضايقه لانى امبارح نزلت لكم فى قسم الفضفضه موضوع مهم عن اختنا المحتاره
بس للاسف انه اتنقل لقسم تانى راسلت الاداره انه يرجع
ادعوا انتوا كمان يارب علشان تعم االفائده
المهم بقى ارجع على موضوعى بسرعه علشان ماطولش عليكم
المشكله بقى عندى يااصدقائى انى ادمنت الشاى بجد يمكن الكلمه دى قليله اوى الموضوع دا من ايام المراهقه كمان انا دلوقتى فى العشرينات بس صدقونى مش لا قيه ولا حل واحد
حاسه ان جسمى ضعف جدااااااااااا والايام دى بحس بهبوط ومش قادره اركز فى اى حاجه و علشان اركز لازم اشرب شاى
عارفين الصحه دى اكبر نعمه ربنا وهبها لينا نفسى احافظ عليها والله لانها اغلى ما نملك و الله تعبت حاولت كتير انى ابطل الشاى او على الاقل اقلله علشان صحتى و مفيش فايده
بدأت احس الايام دى بتعب غير عادى
ماما كانت على طول بتقولى دا غلط انت كدا بتأذى نفس كنت بقولها مش بعرف اركز غير و كوب الشاى بجانبى
ذهبت لدكتور قبل فترة وكان عندى انيميا و الدكتور منعنى من الشاى و فضلت اخد فيتامينات و حديد و اتحسنت صحتى لكن نفسيتى انسوا لان عدم شرب الشاى كان بيخلينى عصبيه جداا
كل شىء بالمعقول افضل شرب الشاى له فوائد لكن لو اتشرب بأعتدال و دون اسراف وممنوع انه يتشرب بعد الاكل علشان الحديد
انا منعته كتير و كمان كنت بقلله لكن و الله برجع اشربه تانى بأسراف لان مخى اتعود عليه ومش بقدر اركز ابدا بدونه حتى لو كنت نايمه كويس تخيلوا
وعلى فكره انا حاولت استبدله بمشروبات تانيه صحيه
لكن مفيش فايده
رجاء بجد انا عايزه حد يقولى اى نصيحه تساعدنى انى اقلل الشاى علشان صحتى
وياترى فى اى مشروب ممكن يغنينى عن شرب الشاى بجد محتاجه نصيحه ربنا يكرمكم بلاش تقللوا من مشكلتى
لانى بجد حالتى الصحيه تعبانه جدااااااااا و حاسه انى عندى انيميا
وخايفه اخد حديد لانى هضيعه كله بشرب الشاى
الحل طبعا ذى الدكتور ما هيقولى امنعيه ياريت لو كان الموضوع سهل كدا ربنا وحده هو الذى يعرف نفسيتى بتكون عامله ازاى
اتمنى من المشرفات الا تنقلوا موضوعى الى قسم اخر رجاء
انثى طفوليه انثى طفوليه فتكات متميزة Fatakat 469053 القاهرة – مصر