مساء الفل على عيون احلى
فتوكات ماماهات حوامل
لفت نظري مواضيع كتير
عن وصفات وحاجات لفتح الرحم
وبلاقي فتوكات كتير
عايزين يجربوا
وفتوكات بالفعل جربوا
بصوا حبايبي
طبيعة اجسامنا بتختلف من وحدة للتانية
ولا قدر الله
ممكن وصفة من الوصفات اللي بتتكتب دي
تعمل مصيبة لا سامح الله للام او للبيبي
نزيف او انفجار في الرحم او ولادة متعثرة
او اختناق للبيبي وحاجات تانية كتير
ارجوكم يا اخواتي بلاش تستعجلوا على الولادة
لانه كل يوم البيبي بيقعد فيه بيكون مفيد ليه
ولرئتيه ولكافة اعضاءة
وبعدين سيبكم من كل دة
هو احنا يا قمرات
حنعترض على امر الله سبحانة وتعالى
كلنا مؤمنات ولله الحمد
وزي ما كاتبلك انك في اليوم الفلاني
حيتزرع رحمك نطفة طفل
برضة كاتبلك اليوم اللي حتشيليه فيه بين اديكي
مهما عملتي
وصفات ولا اعشاب ولا اي حاجة
ربنا سبحانة وتعالى
لما يريد انك تولدي حتولدي
يعني كل شئ بامرة وحدة
بالله عليكم يا حبايب قلبي
بلاش وصفات وعك
عشان صحتكم وصحة البيبي اهم من اي شئ
وبعدين هي الجنة تحت اقدام الامهات ليه ؟؟؟
عرفتوا بقى ليه
كل ماتصبري كل ما حتحسي بحلاوة شوفة البيبي
وهو بين ايديكي وبتبوسية وبتضمية لصدرك
واللحظة دى حتنسيكي اي وجع والم حسيتي بيه
ربنا يباركلكم يا قمرات
ويقوم كل فتوكة بسلامة هي والبيبي الجميل
ويرزق كل مشتاقة بالذرية الصالحة عاجلا ليس اجلا
فراولاية مسكرة فراولاية مسكرة 787887_2.gif فتكات هايلة Fatakat 787887 القاهرة – مصر