السلام عليكم ورحمة الله وبركاتة
انا النهاردة عملت رقاق ناشف واول مرة اعملة يابنات فى فرن البوتجاز
انا بوتجازى 4شعلة عادى يعنى بس عملت فى الفرن بتاعة الرقاق وحتفهمو كل حاجة بالصور ان شاء الله
العجينة طبعا كلكم عارفين مكوناتها لانكم فتوكات شطار
وبردة حقول على مكوناتها علشان البنويت اللى لسة متعرفش
مكوناتها دقيق ومية وملح بس بعد ماتعجينيها سيبها نص ساعة ترتفع علشان تفرد معاكى كويس وياريت تكون العجينة ناشفة شوية متكونش طرية علشان وانتى بتفرديها او وانتى بتحطيها على الصاج لوطرف انتى تعرفى تفردية
لاكن لو طرية حتلزق ومش حتعرفى تفرديها
يلا بقا نشوف الصور
الصورة دى فيها شكل الفرن انا فرنى فية اتنين صاج واحد فى الارضية بتاعة الفرن وواحد تانى بيبقى فوق غير الشبك
والصور حتبين
انا استخدمت الصاجة اللى فوق لان اللى بتبقى فى الاضية بيبقى فيها فتحة علشان اولع بيها الفرن
لاكن اللى عندة صاج واحد اللى هو بيبقى فى الارضية دا بتغسلية كويس وبتحطية فى اول دور وتولعى الفرن وتخلية على العالى مش متوسط
ولما الرقاق من تحت تحمر تقلبيها ولما الوش التانى يحمر تطلعية وتفردية على مكان ناشف ومن غير غطا علشان ينشف اكتر ومتقلقيش لو حتة فى الرقاقة طرية هيا حتنشف لوحدها بس سيبة ساعتين مفرود من غير غطا
تابعو الصور
هنا بقا بتطلعى الرف شوية علشان تعرفى تحطى الرقاق
[IMG]https://files2.fatakat.com/2015/12/13866124323174.jpg[/IMG
هنا انتنت منى وعدلتها علشان العجينة كانت ناشفة شوية فنفعت تتفرد
وهنا وانا فرداهم وحطاهم على التربيزة مستنين دورهم ههههه
وهنا وهيا بتستوى
وهنا لما استوت من ناحية وقلبتها على الناحية التانية
وهنا بعد ماخلصت
وصورة كمان للرقاق ان شالله محد حوش ههههههههههههه
على فكرة يابنات انا سبتة مفرود على التربيزة كدة ساعتين ويمكن اكتر علشان ينشف لو فية حتة طرية وفعلا كلة نشف
استنى انتى وهيا رايحين فين
التقيم يا امامير ودعوة حلوة بصلاح الحال وتفريج الكرب
ربنا يسترها معانا ومعاكم دنيا واخرة يارب مواضيع هذا القسم برعاية
mai 2024 mai 2024 682393_4.gif فتكات رائعة Fatakat 682393 اسكندرية – مصر