السلام عليكم
اخواتى الحبيبات
ربنا يسعدكم ويفرح قلب كل واحدة هتساعدنى او حتى لو مش عارفه تدعيلى
انا بامر الله هعمل عمليه كمان اسبوعين ومش هقدر اتحرك بعدها لفترة حوالى اسبوعين يارب يشفينى اسرع قولوا امين
المهم انا محتاجة اعمل اكل جاهز اليومين دول واشيله بالديب فريزر بس انا عمرى ماجربت كده
بس لانى ماليش غير ربنا يقعد يراعينى او يساعدنى ففكرت اعمل كده لان زوجى مبيعرفش شىء بالمطبخ
وعندى طفله وصعب كل يوم ناكل من بره
انا محتاجة اعرف ايه ينفع اخزنه المدة دى وازاى
وكمان اللى هيتخزن ده نى ولا مستوى ؟
المكرونة البشاميل مثلا نيه ولا مستويه فى الديب فريزر وتطلع تتسخن ولا ايه
وكمان الكوسة مثلا والبطاطس وبيتعملوا ازاى عشا يتخزنوا
معلش هتقل عليكم ينفع الرز اعينه اكياس مستوية واطلعه يسخن فى الميكروويف على طول ولا مينفعش
جزاكم الله كل خير وكفاكم شر كل مرض اللهم امين
مواضيع هذا القسم برعاية
جودى11 جودى11 410461_1.gif سوبر فتكات Fatakat 410461 القاهرة – مصر