لو عاوزة يا فتوكة الخضروات الورقية بتاعتك
((شبت – بقدونس – جرجير – كزبرة))
تفضل طازة ومورورة كدة لمدة اسبوع فالتلاجة او اكتر
زى كدة
وكدة بردوا
ااقولك تعملى اية:
الاول تغسلى الخضرة كويس اوى
ودى الطريقة الصح لان فى ناس بتغسلها غلط
1 – تنقيها كويس يعنى الاوراق الصفرا تشيليها وترميها
2- تحوطيها فحلة وتنقعيها فمية مغطياها لمدة 10 دقايق
3- تشيليها من المية وتكررى الخطوة دى لحد لما تلاقى المية نظيفة خالص
4 تحوطى فالحلة حوالى 1 معلقة خل وعليها مية وتحوطى فيها الخضرة لمدة 5 دقايق عشان الخل بيموت اى حاجة مش كويسة فيها
ودة كلام الدكاترة يا فتوكات
تمام كدة
بعدين (((أهم شئ))) تحوطى الخضرة فى مصفاة لالالالازم تصفى كل المية الى فيها
سيبيها ان شا الله ساعة او اكتر لحد لما ميكونش فيها مية وتتصفى تماماً
وبعدين تجيبى فوطة مطبخ نظيفة
او
فنلة جوزك القطن قديمى ومش بيستعملها
تكون مغسولة ونظيفة
لفى فيها الخضرة وكويس وحوطيها فى كيس بلاستيك وعالتلاجة
وكل لما تعوزى منها هتلاقيها مورورة وفل
جربوها وادعولى
لو استفادتى يا فتوكة متبخليش بالتقييم
وبالدعوة الحلوة
فى رعــــــــاية الله
مواضيع هذا القسم برعاية
Berty Berty 331847_6.gif فتكات ست الكل Fatakat 331847 القاهرة – مصر