متشكرة لكل اللى ردوا وشاركوا فى موضوع ازاى اظبط حواجبى من غير ما اعملهم (( انا عملت الموضوع ده مستقل عشان البنات اللى كانوا نفسهم يعرفوا الحل ولانهم ممكن يكونوا زهقوا ما يفتحوا الموضوع ويدخلوا ويقروا كل الردود والتعليقات وانا كدة كدة حطيت الكلام ده هناك برضو يعنى من هنا شغال ومن هناك شغال ))
اليكم الخلاصة والزبد والنتيجة النهائية كالتالى
ممنوع منعا باتا لمس الحاجب بالفتلة او بالمقص وحتى التشقير شكله وحش وفى اراء انه حرام.
والحلول السلمية هيا:
1- استخدام جل بس
2- استخدام جل + وفوق الشعر الزايد نحط كونسيلر وبعدين اى شادو بلون البشرة.
3- استخدام فازلين طبى وموجود بالصيدليات ومتخافيش مش حيبوظلك الميزانية لان سعره حنين وفى متناول الجميع ( وكفاية فضايح ع الملآ اكتر من كدة).
وانا عن نفسى حجرب الطريقتين الاولى والاخيرة فى الاول لانى مش بفهم فى الكونسيلر وف الاى شادو والحاجات دى وممكن ابوظ الدنيا واجى اكحلها اعميها وارجع واقول انا الى جبت ده كله لنفسى
ولو منفعوش حجرب الطريقة التانية ويارب كل البنات تستفااااد والسلامة عليكم ورحمة الله وبركاته كان معكم على الهواء اختكم غادة ابوالفضل من قطاع الاخبار بالغردقة
غادة سكر زيادة غادة سكر زيادة 111780_166.gif ممنوعة من المشاركة Fatakat 111780 اسمى حتة من اسمها 😉 – مصر ام الدنيا